गण्डकी । कास्की प्रहरीले सञ्चालन गरेको दोस्रो दिनको स्वीप अपरेसनमा थप ६१ जना पक्राउ परेका छन्।

जिल्ला प्रहरी कार्यालय र मातहतका कार्यालयहरूले लागुऔषध बिक्री तथा सेवन, मदिरा सेवन गरी समाजमा अशान्ति फैलाउने तथा गुण्डागर्दीमा संलग्न व्यक्तिहरूलाई पक्राउ गरेको हो।

प्रहरीका अनुसार स्वीप अपरेसन बिहीबार राति ९ बजेदेखि शुक्रबार बिहान ६ बजेसम्म सञ्चालन गरिएको थियो।

यसअघि पहिलो दिनको अपरेसनमा जिल्लाका विभिन्न स्थानबाट १२२ जना पक्राउ परेका थिए।