काठमाडौं । सामाजिक सञ्जाल फेसबुकमा आइतबार दिउँसोदेखि प्राविधिक समस्या देखिएको छ। करिब दिउँसो १:३० बजेदेखि विशेषगरी डेस्कटप संस्करण प्रयोग गर्ने धेरै प्रयोगकर्ताले आफ्नो फेसबुक खाता खोल्न नसकेको गुनासो गरेका छन्।

प्रयोगकर्ताको स्क्रिनमा देखिएको सन्देशअनुसार साइटमा आएको प्राविधिक समस्याका कारण खाता अस्थायी रूपमा उपलब्ध हुन नसकेको उल्लेख गरिएको छ।

सन्देशमा समस्या समाधानका लागि काम भइरहेको जनाउँदै केही समयपछि पुनः प्रयास गर्न पनि आग्रह गरिएको छ।

फेसबुकको मातृ कम्पनी मेटाले भने समाचार तयार पार्दासम्म समस्याबारे कुनै औपचारिक प्रतिक्रिया सार्वजनिक गरेको छैन। समस्या कति प्रयोगकर्तामा परेको हो र यसको कारण के हो भन्ने विषय पनि खुल्न बाँकी छ।