काठमाडौं। रुकुम पूर्वमा आइतबार अपराह्न ५ म्याग्निच्युडको भूकम्प गएको छ।

राष्ट्रिय भूकम्प मापन तथा अनुसन्धान केन्द्रका अनुसार साउन ३ गते अपराह्न ४ः३० बजे रुकुम पूर्वको कोल आसपास केन्द्रविन्दु भएर भूकम्प गएको हो।

भूकम्पको धक्का रुकुम पूर्वसहित आसपासका जिल्लामा पनि महसुस गरिएको जनाइएको छ। हालसम्म भूकम्पबाट भएको कुनै मानवीय वा भौतिक क्षतिको विवरण प्राप्त भएको छैन।

सम्बन्धित निकायले भूकम्पपछि सम्भावित क्षतिको विवरण संकलन गरिरहेको जनाएको छ।