काठमाडौं। बैंकिङ कसुरसम्बन्धी मुद्दामा फरार रहेका व्यवसायी तथा शंकर ग्रुपका अध्यक्ष शंकरलाल अग्रवाललाई प्रहरीले पक्राउ गरेको छ।

केन्द्रीय अनुसन्धान ब्युरो (सीआईबी)ले अग्रवाललाई बुधबार काठमाडौंको डिल्लीबजार क्षेत्रबाट पक्राउ गरेको हो।

सीआईबीका एसएसपी अनुपम शमशेर जबराका अनुसार उनी बैंकिङ कसुरसम्बन्धी मुद्दामा फरार रहेका थिए।

प्रहरीका अनुसार सीआईबीले अनुसन्धान गरेको कर्जा दुरुपयोगसम्बन्धी मुद्दा हाल उच्च अदालत पाटनमा विचाराधीन छ। पक्राउ परेका अग्रवाललाई आवश्यक कानुनी प्रक्रियाका लागि उच्च अदालत पाटनमा उपस्थित गराइने तयारी गरिएको छ।

यसअघि पनि अग्रवाल २०८२ चैतमा सम्पत्ति शुद्धीकरणसम्बन्धी कसुरमा पक्राउ परेका थिए। उक्त प्रकरणमा कानुनी प्रक्रिया पूरा गरेपछि उनी रिहा भएका थिए।