काठमाडौं । आईसीसी क्रिकेट विश्वकप लिग–२ अन्तर्गत नेदरल्यान्ड्सविरुद्धको खेलमा नेपालले पहिले ब्याटिङ गर्ने भएको छ।

नेदरल्यान्ड्सको उट्रेक्टस्थित स्पोर्टपार्क मार्सचाल्करवेर्डमा केहीबेरमै सुरु हुने खेलमा घरेलु टोली नेदरल्यान्ड्सले टस जितेर पहिले बलिङ गर्ने निर्णय गरेपछि नेपाल ब्याटिङका लागि मैदान उत्रिएको हो।

नेपाल, नेदरल्यान्ड्स र नामिबिया सहभागी त्रिकोणात्मक सिरिजअन्तर्गत नेपालले आफ्नो दोस्रो खेल खेलिरहेको हो। पहिलो खेलमा नेपाल नामिबियासँग ८ विकेटले पराजित भएको थियो।

विश्वकप छनोटको दौडमा रहिरहन नेपालका लागि यो खेल निकै महत्त्वपूर्ण मानिएको छ। पहिलो खेलको हारपछि नेपाल आज जित निकाल्दै सिरिजमा पुनरागमन गर्ने लक्ष्यसहित मैदानमा उत्रिएको छ।