काठमाडौं। जनआस्था साप्ताहिकका अध्यक्ष तथा वरिष्ठ पत्रकार किशोर श्रेष्ठको रिहाइको माग गर्दै नेपाल पत्रकार महासंघले काठमाडौं प्रहरी परिसर भद्रकालीमा धर्ना दिएको छ ।

समाचारसँग सम्बन्धित विषयलाई लिएर श्रेष्ठ पक्राउ परेको भन्दै महासंघले घटनाको विरोध गरेको हो ।

महासंघले पत्रकारलाई समाचार लेखेकै आधारमा पक्राउ गर्ने कार्यले प्रेस तथा अभिव्यक्ति स्वतन्त्रतामाथि प्रश्न उठाउने जनाएको छ ।

प्रेस काउन्सिल नेपालका पूर्वकार्यवाहक अध्यक्षसमेत रहेका श्रेष्ठलाई बुधबार राति ९ बजे ललितपुरस्थित निवासबाट प्रहरीले पक्राउ गरेको थियो ।

उनको पक्राउको विरोधमा पत्रकार महासंघले तत्काल रिहाइको माग गर्दै धर्ना दिएको हो ।

तस्वीरहरू: