काठमाडौं। नेपाली कांग्रेसको केन्द्रीय कार्यसमिति बैठक बिहीबार ललितपुरको सानेपास्थित पार्टी केन्द्रीय कार्यालयमा जारी छ।

बैठक सुरु गर्दै सभापति गगन थापाले स्वास्थ्य उपचारपछि स्वदेश फर्किएका निवर्तमान सभापति एवं पूर्वप्रधानमन्त्री शेरबहादुर देउवालाई स्वागत गरेका छन्।

बैठकमा सहभागी एक पदाधिकारीका अनुसार थापाले देउवालाई स्वास्थ्य लाभको कामनासहित स्वदेश फर्किएकोमा स्वागत गरेका थिए।

देउवा गत फागुन १३ गते उपचारका लागि सिंगापुर गएका थिए। त्यहाँ उपचारपछि थप उपचार तथा परामर्शका लागि हङकङ पुगेका उनी बिहीबार नेपाल फर्किएका हुन्।

जेनजी आन्दोलनका क्रममा गत भदौ २४ गते बुढानीलकण्ठस्थित निवासमा देउवा दम्पतीमाथि गम्भीर आक्रमण भएको थियो। त्यसपछि देउवा उपचारका लागि विदेश गएका थिए।