काठमाडौं । नेपालमा बाढी तथा अन्य प्राकृतिक विपद्का बेला नागरिकलाई आवश्यक सूचना छिटो उपलब्ध गराउन गुगलले ‘आपतकालीन सूचना सेवा’ सुरु गरेको छ ।

यो सेवा सक्रिय भएपछि गुगलको होमपेजमा ‘नेपाल फ्ल्यास फ्लड इमर्जेन्सी इन्फो एन्ड अपडेट्स’ नामको लिंक देखिनेछ ।

लिंकमा गएपछि प्रयोगकर्ताले बाढी प्रभावित क्षेत्रको नक्सा, गुगलले जारी गरेका ‘फ्लड अलर्ट’ तथा विभिन्न अन्तर्राष्ट्रिय सञ्चारमाध्यममा प्रकाशित सम्बन्धित समाचार एउटै स्थानबाट हेर्न सक्नेछन् ।

विपद्का बेला फैलिन सक्ने गलत सूचनाबाट जोगाउँदै नागरिकलाई आवश्यक र समयमै सूचना उपलब्ध गराउन यो सेवाले सहयोग पुग्ने अपेक्षा गरिएको छ।