आगामी असोज २ गतेदेखि प्रदर्शनमा आउने फिल्म ‘झिंगे दाउ २’ ले प्रचारका लागि नयाँ शैली अपनाएको छ। 

निर्माण टिमले सार्वजनिक यातायातका यात्रुलाई लक्षित गर्दै बसमै फिल्मको टिजर हेर्नेदेखि टिकट बुकिङसम्मको सुविधा उपलब्ध गराएको हो।

निर्माण टिमले नेपाल यातायातका ८० वटा गाडीका सिटमा झिंगे दाउ २ का प्रचार सामग्रीसहित क्यूआर कोड राखेको छ।

 सिट कभरमा राखिएका दुईवटा क्यूआर कोडमध्ये एउटा स्क्यान गर्दा फिल्मको टिजर हेर्न सकिनेछ भने अर्कोमार्फत क्यूएफएक्स चेनका हलमा टिकट बुकिङ गर्न सकिने व्यवस्था गरिएको छ।

यसरी सार्वजनिक यातायातमै फिल्मबारे जानकारी लिन, टिजर हेर्न र हलको टिकट बुक गर्न सकिने सुविधा पहिलोपटक ल्याइएको निर्माण टिमको दाबी छ।