काठमाडौं । एआईको विकासमा तीव्र प्रतिस्पर्धा चलिरहेका बेला ओपनएआईका प्रमुख कार्यकारी अधिकृत (सीईओ) स्याम अल्टम्यानले आवश्यक परे विकासको गति घटाउन आफू तयार रहेको संकेत दिएका छन् ।

कम्पनीका कर्मचारीसँगको बैठकमा अल्टम्यानले अन्य एआई कम्पनीसँग समन्वय गरेर एआई प्रणाली विकासको गति मिलाउन सकिने धारणा राखेका हुन् । तर सबै कम्पनी यस्तो सहकार्यका लागि तयार हुन्छन् भन्ने निश्चित नरहेको उनको भनाइ थियो ।

एआई प्रणाली थप शक्तिशाली बन्दै जाँदा यसको सुरक्षा र नियन्त्रणबारे चिन्ता पनि बढिरहेको छ । पछिल्ला समयका विभिन्न एआई मोडेलसँग जोडिएका सुरक्षा घटनाले नियमन र जोखिम नियन्त्रणको बहसलाई थप चर्काएको छ ।

एआई विकासमा तीव्र प्रतिस्पर्धा भइरहँदा सुरक्षालाई पर्याप्त प्राथमिकता नदिइएको भन्दै केही अनुसन्धानकर्ता र पूर्वकर्मीले समेत चिन्ता व्यक्त गर्दै आएका छन् ।

यसअघि ओपनएआईका एआई एजेन्टहरूबाट अनपेक्षित गतिविधि भएको घटनापछि कम्पनीले सुरक्षा प्रणाली बलियो बनाउन आफ्ना केही मोडेलको विकासमा अस्थायी रूपमा रोक लगाएको थियो । उक्त घटनाले शक्तिशाली एआई प्रणालीमाथि मानव नियन्त्रणको विषयलाई फेरि बहसमा ल्याएको थियो ।

ओपनएआईले उन्नत एआई प्रणालीको विकाससँगै सुरक्षा मापदण्ड र सरकारी नियमनलाई पनि बलियो बनाउनुपर्ने धारणा राख्दै आएको छ । कम्पनीका अनुसार भविष्यका शक्तिशाली एआई प्रणालीले आफ्नै क्षमताको विकासलाई तीव्र बनाउन सक्ने सम्भावना रहेकाले जोखिम नियन्त्रण अहिलेबाटै आवश्यक छ ।

यही