काठमाडौं । रसुवास्थित माथिल्लो त्रिशूली–१ जलविद्युत् आयोजनाको टनेलमा शनिबार थप ११ वटा शव फेला परेका छन्।

नेपाली सेनाका अनुसार जालीमा अल्झिएको र हिलोमा पुरिएको अवस्थामा शव फेला परेका हुन्। उद्धार टोलीले सबै शव बाहिर निकालेको छ।

गत भदौ १० गते भोटेकोशी नदीमा आएको विनाशकारी बाढीपछि आयोजनामा कार्यरत तथा सम्पर्कविहीन भएकाहरूको खोजी जारी छ।

टनेलभित्र अझै केही व्यक्ति फसेको हुन सक्ने भन्दै सेनाले खोजीलाई निरन्तरता दिएको जनाएको छ।

भोटेकोशी बाढीपछि आयोजनाको टनेललगायत क्षेत्रमा ठूलो क्षति पुगेको थियो। उद्धार टोलीले जोखिमबीच खोजी अभियान सञ्चालन गरिरहेको छ।