काठमाडौं । भाषा आयोगले आर्थिक वर्ष २०८२/८३ मा गरेका कामकारबाही समेटिएको वार्षिक प्रतिवेदन राष्ट्रपति रामचन्द्र पौडेलसमक्ष पेस गरेको छ।

आयोगका कार्यवाहक अध्यक्ष कृष्णप्रसाद न्यौपानेले शुक्रबार राष्ट्रपति पौडेलसमक्ष प्रतिवेदन बुझाएका हुन्।

भाषा आयोग ऐन, २०७४ अनुसार तयार गरिएको प्रतिवेदन राष्ट्रपति कार्यालयमा पेस गरिएको हो। प्रतिवेदनमा आयोगले सम्बन्धित आर्थिक वर्षमा गरेका काम तथा गतिविधिको विवरण समेटिएको छ।

भाषा आयोगले नेपालको भाषिक विविधताको संरक्षण, संवर्द्धन तथा भाषासम्बन्धी नीतिगत विषयमा अध्ययन र सिफारिस गर्दै आएको छ।