काठमाडौं । साताको पहिलो कारोबार दिन सोमबार सेयर बजारको प्रि-ओपन सेसनमै नेप्से परिसूचक घटेको छ। प्रि-ओपनमा नेप्से १.०१ अंकले घटेर २ हजार ५८६.२३ विन्दुमा पुगेको छ।

यसअघि शुक्रबार नेप्से ११.९० अंकले घटेर २ हजार ५८७.२५ विन्दुमा बन्द भएको थियो। सोमबारको प्रि–ओपन सेसनमा भने सेन्सेटिभ इन्डेक्स ०.०५ अंकले बढेको छ।

प्रि-ओपनमा ६३ वटा कम्पनीका ६ हजार ३८९ कित्ता सेयर १०८ पटक कारोबार भएका छन्। उक्त कारोबारबाट २४ लाख १३ हजार ८३० रुपैयाँ १० पैसा बराबरको कारोबार भएको छ।

कारोबार भएका कम्पनीमध्ये १२ वटाको सेयर मूल्य बढेको छ भने ३४ वटाको घटेको छ। १७ वटा कम्पनीको सेयर मूल्य भने स्थिर रहेको छ।

साथै, बजार खुलेसँगै अधिकांश कम्पनीको सेयर मूल्य घटेपछि नेप्सेमा सुरुवाती दबाब देखिएको छ।