काठमाडौं । ‘गुण्डा नाइके’ सानुभाइ भनिने युवराज गुरुङ पक्राउ परेका छन् । विभिन्न व्यक्तिलाई धाकधम्की दिएको पाइएका कारण पक्राउ गरिएको जिल्ला प्रहरी काठमाडौंका प्रवक्ता एसपी पवन भट्टराईले बताएका छन् ।

यसअघि उनी ठमेलस्थित क्लब ओम्नियाका सञ्चालक राजेन्द्र गुरुङमाथि आक्रमण गरेको आरोपमा पक्राउ परेका थिए । गुरुङ नुवाकोट ककनीका हुन् । पछिल्लो समय आफूलाई जेनजी भन्दै उनले केही व्यावसायिक व्यक्तिलाई धम्क्याएको सूचनापछि उनलाई प्रहरीले खोजी गरेको प्रहरी स्रोतले जनाएको छ ।