काठमाडौं । नेपाली बजारमा सुनको मूल्य हालसम्मकै उच्च विन्दुमा पुगेको छ । नेपाल सुन–चाँदी व्यवसायी महासंघका अनुसार आज ८ हजार ५ सय रुपैयाँले बढेको हो । महासंघका अनुसार ८ हजार ५ सय रुपैयाँले बढेर आज एक तोला सुनको मूल्य २ लाख ४८ हजार ५०० कायम भएको छ ।

सोमबार प्रतितोला सुन २ लाख ४० हजारमा कारोबार भएको थियो । यसैगरी चाँदीको मूल्यले पनि नयाँ रेकर्ड कायम गरेको छ । आज एक तोला चाँदी भाउ ३ हजार ३२५ रुपैयाँ तोकिएको छ । अघिल्लो दिन सोमबार सोही परिमाणको चाँदी ३ हजार २२० रुपैयाँमा खरिदबिक्री भएको थियो ।