काठमाडौं । भक्तपुरमा छोराले आमाको हत्या गरेका छन् ।

मध्यपुर थिमि नगरपालिका–३ तेर्सेटारका २७ वर्षीय प्रवीण भण्डारीले आमा ५० वर्षीया सरिताको हत्या गरेका हुन् ।

जिल्ला प्रहरी परिसर भक्तपुरका प्रहरी नायव उपरीक्षक (डीएसपी) प्रकाश जबेगुका अनुसार उनीहरू त्यहाँ डेरामा बस्दै आएका थिए ।

प्रारम्भिक अनुसन्धानको क्रममा प्रवीणले शुक्रबार राति आमालाई धारिलो हतियार प्रहार गरेको खुलेको जबेगूले बताए । घटनामा सरिता गम्भीर घाइते भएकी थिइन् ।

उनको उपचारका क्रममा भक्तपुर इन्टरनेशनल अस्पतालमा मृत्यु भएको डीएसपी जबेगुले बताए ।

आमालाई धारिलो हतियार प्रहार गरेपछि भण्डारीले आफ्नै टाउकोमा धारिलो हतियारले हानेका थिए । उनी घाइते छन् ।

प्रहरीले घटनाको अनुसन्धान गरिरहेको डीएसपी जबेगूले जानकारी दिए ।