काठमाडौं । गत निर्वाचनमा बारा–२ बाट निर्वाचित जनता समाजवादी पार्टी (जसपा) नेपालका अध्यक्ष उपेन्द्र यादवसँग यसपटक राष्ट्रिय स्वतन्त्र पार्टी (रास्वपा)ले इन्जिनियर अरविन्द साहलाई प्रतिस्पर्धा गराउँदै छ ।

साह सूचना प्रविधि उद्यमी हुन् । ग्रामीण जीवनबाट संघर्ष गर्दै प्रविधि र उद्यमशीलतामार्फत राष्ट्रिय पहिचान बनाएका साहले सूचनाको पहुँज, वित्त पहुँज, रोजगारी सिर्जना र प्रविधिमैत्री विकासलाई प्रमुख राजनीतिक एजेन्डा बनाएका छन् ।

रुखमुनि बसेर सुरु गरेको अध्ययनदेखि पुल्चोक इन्जिनियरिङ क्याम्पससम्मको शैक्षिक यात्रापछि उनले आईटी क्षेत्रमा १९ वर्षभन्दा बढी अनुभव सँगालेका छन् ।

स्प्यारो एसएमएस, खल्ती एपजस्ता देशव्यापी डिजिटल सेवाको नेतृत्व गरेका साहलाई नीति निर्माण, नवप्रवर्तन र परिणाममुखी सोचको प्रतिनिधि पात्रका रूपमा हेरिन्छ ।

कृषिमा प्रविधिको प्रयोग, ग्रामिण युवाको क्षमता विकास, स्टार्टअप इकोसिस्टम प्रवर्द्धन तथा रोजगारी सिर्जनामा प्रत्यक्ष योगदान दिएका उनले भाषणभन्दा काम र नतिजामा विश्‍वासगउगर्ने नेतृत्वको छवि बनाएका छन् ।