काठमाडौं । भारत र श्रीलंकामा जारी टी-२० विश्वकप क्रिकेटमा अफगानिस्तानले न्युजिल्याण्डलाई १८३ रनको चुनौति दिएको छ ।

भारतको चेन्नाईमा टस जितेर पहिले ब्याटिङमा उत्रिएको दक्षिण एसियाली टोली अफगानिस्तानले निर्धारित २० ओभरमा विकेट ६ गुमाएर १८२ रन जोड्यो ।

अफगानिस्तानका लागि गुलबदिन नैबले सर्वाधिक ६३ रन बनाए । उनले ३५ बल खेलेका उनले ३ चौका र ४ छक्का प्रहार गरे । अफगानिस्तानका लागि सदिकउल्लाह अतलले २९, रमनुल्लाह गुरबाजले २७ तथा डार्बिस रसुलीले २० रनको महत्वपूर्ण योगदान गरे ।

न्युजिल्याण्डका लकी फर्गुसनले २ तथा म्याट हेनरी, ज्याकोब डफी र रचिन रविन्द्रले १-१ विकेट लिए ।