काठमाडौं । राष्ट्रिय स्वतन्त्र पार्टी (रास्वपा)बाट काठमाडौं–८ मा उम्मेदवार भएका विराजभक्त श्रेष्ठले यही फागुन २१ गते हुने प्रतिनिधिसभा निर्वाचनको ‘ट्रेलर’ देखिसकेको बताएका छन् ।

आफूप्रति व्यापारी, मजदुर, कृषक र ग्राहकले सद्भाव देखाएको र त्यसलाई ‘ट्रेलर’ भनेका उनले निर्वाचनबाट रास्वपालाई बहुमत मागे ।

उनले बहुमतको सरकार बनाएर भ्रष्टाचारीहरूलाई जेलमा कोच्ने चेतावनी दिए ।

‘अस्तिको पाली २१ जना मात्रै हुँदाखेरी भ्रष्टाचारका कुराहरूलाई सतहमा ल्याएका थियौँ,’ उनले भने, ‘यो पाली बहुमतको सरकार ल्याएर भ्रष्टाचारीहरूलाई जेलमा कोच्न बाँकी छ ।’

सुशासन कायम गर्नुछ भनेका उनले व्यापारी, उद्योगी, कृषक सबैलाई सम्बोधन हुनेगरी नीतिगत व्यवस्था गर्ने पनि बताए ।