धनगढी– अछाम निर्वाचन क्षेत्र नम्बर-१ मा तीन उम्मेदवारबीच कडा प्रतिस्पर्धा रहेको छ।

नेकपाका उम्मेदवार भीम रावल, कांग्रेसका भरत कुमार स्वाँर र एमालेका दीपक साउदबीच कडा प्रतिस्पर्धा चलिरहेको छ। मत गणनाको सुरुमा रावल अगाडि रहेकामा उनलाई उछिन्दै कांग्रेसका स्वाँर अगाडि लागेका थिए।

तर फेरि अहिले स्वाँरलाई उछिन्दै रावलले अग्रता लिइरहेका छन्। हालसम्म प्राप्त मत परिणामअनुसार रावलले ८ हजार ६६६ मत प्राप्त गर्दा स्वाँरले ८ हजार ४३५ मत प्राप्त गरेका छन्।

प्रतिस्पर्धामा एमालेका साउद पनि पछिपछि रहेका छन्। उनले ७ हजार ७ मत प्राप्त गरेका छन्। देशभर रास्वपाको लहर चल्दा यहाँ भने रास्वपा निकै कमजोर देखिएको छ।

यहाँ रास्वपाका उम्मेदवार ओमप्रकाश रावलले १ हजार ५६९ मत प्राप्त गरेका छन्।