काठमाडौं । सुर्खेत निर्वाचन क्षेत्र नम्बर-१ बाट नेपाली कांग्रेसका उम्मेदवार विष्णुबहादुर खड्का प्रतिनिधिसभा सदस्यमा निर्वाचित भएका छन्।

खड्काले नेकपा (एमाले) का उम्मेदवार ध्रुवबहादुर शाहीलाई पराजित गर्दै विजय हासिल गरेका हुन्। खड्काले २६ हजार ८९७ मत प्राप्त गरेका छन् भने उनका निकटतम प्रतिस्पर्धी शाहीले १८ हजार ८९० मत पाएका छन्।

उक्त क्षेत्रमा राष्ट्रिय स्वतन्त्र पार्टी (रास्वपा) का उम्मेदवार टेकबहादुर सिंह ठकुरी १४ हजार ७२९ मतसहित तेस्रो स्थानमा रहेका छन्।