विराटनगर। मोरङ प्रतिनिधिसभा निर्वाचन क्षेत्र नम्बर-२ बाट राष्ट्रिय स्वतन्त्र पार्टी (रास्वपा) का उम्मेदवार कृष्ण कार्की निर्वाचित भएका छन्।

निर्वाचन अधिकृतको कार्यालयले सार्वजनिक गरेको तथ्यांकअनुसार कार्कीले ४० हजार ९२४ मत प्राप्त गर्दै विजय हासिल गरेका हुन्। उनका निकटतम प्रतिस्पर्धी नेकपा (एमाले) का उम्मेदवार दिलीपकुमार बगडियाले १५ हजार ६२४ मत प्राप्त गरेका छन्। कार्कीले बगडियालाई २५ हजारभन्दा बढी मतान्तरले पराजित गरेका हुन्।

नेपाली कांग्रेसका प्रभावशाली नेता तथा पूर्वमन्त्री डा. मिनेन्द्र रिजाल भने १२ हजार ६६४ मतसहित तेस्रो स्थानमा सीमित भएका छन्।