काठमाडौं। विदेश पठाइदिन्छु भन्दै रकम ठगी गरेको आरोपमा दुई जनालाई प्रहरीले पक्राउ गरेको छ।

पक्राउ पर्नेमा काठमाडौँका ४३ वर्षीय निरबहादुर कार्की र सर्लाहीका ३९ वर्षीय विजयकुमार यादव रहेका छन्। उनीहरूलाई काठमाडौँ उपत्यका अपराध अनुसन्धान कार्यालयको टोलीले पक्राउ गरेको हो।

प्रहरीका अनुसार निरबहादुर कार्कीले क्रोएसिया पठाइदिन्छु भन्दै ८ जनाबाट रकम ठगी गरेको आरोप छ। त्यस्तै विजयकुमार यादवले कतार पठाइदिन्छु भन्दै २ लाख २० हजार रुपैयाँ ठगी गरेको उजुरी परेको छ।

पक्राउ परेका दुवै जनालाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल पठाइएको प्रहरीले जनाएको छ।