काठमाडौं – बालेन सरकारले विस्थापित गरेका सुकुम्बासी फेरि विस्थापित भएका छन् । अविरल बर्षा कारण बागमती नदीमा बहाब बढ्दा काठमाडौंको कीर्तिपुर नगरपालिका–१० सुन्दरीघाटस्थित राधास्वामी सुकुम्बासी होल्डिङ सेन्टर डुबानका परेको छ ।

होल्डिङ सेन्टर डुबानमा परेपछि राति करिब १ बजे नै सशस्त्र प्रहरी र नेपाल प्रहरीको संयुक्त उद्धार टोली परिचालन गरिएको थियो । होल्डिङ सेन्टरमा रहेका १५४ जनामध्ये ५४ जनालाई सुरक्षित उद्धार गरी त्रिभुवन विश्वविद्यालयस्थित स्मृति भवनमा लगिएको जनाइएको छ।