काठमाडौं । नेपाली बजारमा मंगलबार सुन र चाँदी दुवैको मूल्य बढेको छ। सोमबारको तुलनामा सुनको मूल्य प्रतितोला ६ हजार ४ सय रुपैयाँले बढेको हो भने चाँदीको मूल्य प्रतितोला १ सय १० रुपैयाँले उकालो लागेको छ।

नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ३ लाख ७ हजार ९ सय रुपैयाँमा कारोबार भइरहेको छ। त्यस्तै, चाँदीको मूल्य प्रतितोला ४ हजार ७ सय ८० रुपैयाँ पुगेको छ।

सोमबार छापावाल सुन प्रतितोला ३ लाख १ हजार ५ सय रुपैयाँमा कारोबार भएको थियो। त्यसैगरी, चाँदी प्रतितोला ४ हजार ६ सय ७० रुपैयाँमा कारोबार भएको थियो।

एकै दिन सुनको मूल्यमा उल्लेख्य वृद्धि भएपछि नेपाली बजारमा सुनको मूल्यले फेरि नयाँ उचाइतर्फ गति लिएको छ। अन्तर्राष्ट्रिय बजारमा सुनको मूल्यमा आएको उतारचढाव तथा विदेशी विनिमय दरलगायतका कारणले नेपाली बजारमा समेत सुनचाँदीको मूल्य प्रभावित हुने गरेको छ।