Author: nepal one

ललितपुर,१९ फागुन – ललितपुर जिल्लालाई बालविवाहमुक्त जिल्ला बनाउने अभियान थालिएको छ । त्यस अनुसार महिला शशक्तीकरणको साथै ‘बालविवाहमुक्त देश निर्माणमा मेरो योगदान’ विषयमा शुक्रबार ललितपुरको सिद्धिपुरमा अन्तरक्रिया कार्यक्रम गरिएको छ । ११२ औं अन्तर्राष्टिय नारी दिवसको अवसरमा सिद्धिपुर सामुदायिक सिकाई केन्द्र (सीएलसी) र शान्ति शिक्षा अभियान नेपाल ललितपुरको संयुक्त आयोजनामा कार्यक्रम भएको  हो । 
अभियन्ता एवं उतरी तथा दक्षिणी मोहडाबाट सगरमाथा आरोहण गर्न सफल पहिलो महिला पत्रकार सगरमाथा आरोही कल्पना महर्जनले पाँंच वर्षभित्र ललितपुर जिल्लालाई बालविवाहमुक्त जिल्ला बनाउने अभियान अन्तर्गत कार्यक्रम सुरु भएको बताइन् । यो अघि स्कुलस्कुलमा कार्यक्रम गर्दै आएकोमा अवदेखि नगरपालिका, वडा, महिला समूह, सामुदायिक सिकाई केन्द्र (सिएलसी) आदिसँंगको सहकार्यमा प्रत्येक महिना जिल्लाका फरकफरक ठाउँंहरुमा अन्तरक्रिया कार्यक्रम गर्दै अगाडि वढ्ने योजना उनले सुनाइन् ।
‘तीनवर्षभित्रमा हामी  निशेषित बालविवाहमुक्त क्षेत्र घोषणा गर्दै पाँंचवर्षभित्रमा जिल्लालाई नै वालविवाहमुक्त जिल्लाको रुपमा अगाडि वढाउने अभियानमा छौं, कार्यक्रममा अभियन्ता महर्जनले सुनाइन् । यस अनुसार पहिलो कार्यक्रम सिद्धिपुरमा भएको उनले जनाइन् । 
कार्यक्रममा जिल्लालाई बालविवाहमुक्त जिल्ला घोषणामा आआफूले गर्न सकिने योगदानबारे चर्चा गरिएको थियो । कार्यक्रममा त्यस क्षेत्रका सरोकारवालाहरुको सहभागिता रहेको थियो ।
 

नेपालमा वन्यजन्तु संरक्षणका निम्ति राज्यले सकारात्मक पहल थाले पनि ती सुखद र पर्याप्त नभएको जानकारहरूले बताएका छन्। विशेषगरी वन्यजन्तु अपराधको सन्दर्भमा कानुनहरू कार्यान्वयन नहुनु र साना स्तनधारी वन्यजन्तुको आवश्यकताबारे उचित विमर्श र जानकारी नहुनुले विभिन्न चुनौतीहरू खडा गरेको विज्ञहरूको बुझाई छ।

शुक्रवार संयुक्त राष्ट्रसङ्घले ५० औँ विश्व वन्य जीवन दिवस मनाइरहँदा बीबीसीले वनका वैभवमा महत्त्वपूर्ण मानिने, नेपालका केही दुर्लभ वन्यजन्तुबारे यहाँ चर्चा गरेको छ।

आफ्नो धारणा प्रस्तुत गरेका अधिकांश जानकारले नेपालमा ”बाघ र गैँडाजस्ता जनावरबारे पर्याप्त चर्चा र काम भए पनि साना स्तनधारी जनावरहरूको संरक्षण बेवास्ता गरिएको” टिप्पणी गरेका छन्।

“वन्यजन्तुबारे हाम्रो बहस बाघ, हात्ती र गैँडामा केन्द्रित भएको छ। तर अन्तर्राष्ट्रिय स्तरमा अवैध व्यापार भइरहेका स-साना वन्यजन्तुको बेवास्ता गरिएको छ। तीनको संरक्षण अत्यावश्यक छ,” मकवानपुरका डिभिजन वन अधिकृत, विष्णुप्रसाद आचार्यले भने।

विश्वमै संवेदनशील, लोपोन्मुख तथा सङ्कटापन्न अवस्थामा रहेका भनिएको वन्यजन्तुहरू नेपालका केही निश्चित क्षेत्रमा पाइने बताइन्छ। तिनीहरूको संरक्षण र सङ्ख्या वृद्धिमा जोड दिनुपर्ने आचार्य बताउँछन्।

नेपालमा पाइने केही दुर्लभ वन्यजन्तु
सालक
विज्ञहरूका अनुसार मकवानपुर, धादिङ, सिन्धुली, सुर्खेत, इलाम, ताप्लेजुङलगायत ठाउँमा पाइने सालक लजालु र प्रतिकार गर्न नसक्ने जन्तुमा पर्छन्।पछिल्लो समय सङ्ख्यात्मक हिसाबमा धेरै कम नभए पनि यसको बढ्दो अवैध व्यापारका कारण यसको संरक्षणमा चुनौती बढेको आचार्यको भनाई छ।

उनका अनुसार मकवानपुर जिल्लाका १५० भन्दा बढी सामुदायिक वनमा सालक पाइन्छन्।“यो भुईँ वर्गको जनावर हो। यो कोमल प्रकृतिको हुन्छ र प्रतिकार गर्न सक्दैनन्। त्यसैले मानिसहरूले सहजै मारिरहेका छन्,“ उनले भने।“कतिपयले सालक माछा ठानेर मार्छन्। कतिले चीन र भियतनामलगायत देशमा पुर्‍याउन। त्यसैले हाम्रा जङ्गलमा हिजो प्रशस्त भएका सालक आज सकिँदै गएका छन्।“

सालक तामे र कालो रङ्गका हुन्छन्। यसको शरीरको तल्लो भागमा मात्र छाला हुन्छ र माथिल्लो भागमा कत्ला हुन्छ।“मानिसहरू ५/६ हजार रुपियाँको लागि सालक सिकार गरेको अवस्थामा पक्राउ परेका छन्। राष्ट्रिय निकुञ्ज ऐनमा यसको अङ्ग ओसारपसार गरे १५ वर्षसम्म जेल सजाय वा ५ देखि १० लाख जरिवानाको व्यवस्था छ। तर पनि यसको सिकार नियन्त्रण भएको छैन,” उनले भने।

लघु कर्ण खरायो

जानकारहरू घाँसे मैदानकै अभावका कारण लघु कर्ण खरायो दुर्लभ बन्दै गएको बताउँछन्। अन्य खरायोको तुलनामा यसको कान निकै सानो हुने भएकाले यसलाई लघु कर्ण खरायो भनिन्छ।उनका अनुसार यो खरायो आजभोलि शुक्लाफाँटा र बर्दिया राष्ट्रिय निकुञ्जका केही भागहरूमा पाइने बताइन्छ।

“तराईका विभिन्न संरक्षित क्षेत्रहरूमा छन्। तर त्यस्ता ठाउँहरूमा नियोजित आगो लगाउने बेलामै यसको प्रजनन गर्ने समय भएकाले निकै प्रभावित बनेका छन्,” उनले भने।माघ, फागुन र चैत यस जनावरको प्रजननको समय भए पनि घाँसे मैदानमा गरिने आगलागी वा खर मास्ने प्रक्रियाले यसको अवस्था संवेदनशील बन्दै गएको बताइन्छ। त्यस्तै मासुका लागि यसको अवैध बिक्री समेत हुने गरेको जानकारहरू बताउँछन्।

विश्वमै ३०० वटा मात्र भएको ठानिएको यस खरायो शुक्लाफाँटामा मात्र ३० वटा रहेको राष्ट्रिय निकुञ्ज तथा वन्यजन्तु संरक्षण विभागको एक पुस्तकमा उल्लेख गरिएको छ।

जङ्गली याक
नेपालमा धेरै वर्षसम्म नदेखिएको भए पनि छ भन्ने पुष्टि भएको दुर्लभ जनावर हो जङ्गली याक वा वन चौँरी। यो हुम्लाको लिमी उपत्यकाबाट उत्तरतर्फ केही पटक देखिएको जानकारी दिन्छन्, साना स्तनधारी जनावर संरक्षण तथा अनुसन्धान संस्थाका निर्देशक एवं अनुसन्धानकर्ता सन्जन थापा।

यो जनावर नेपाल, भारत र चीनका सुक्खा हिमाली क्षेत्रमा पाइन्छ। नेपालमा यसको सङ्ख्या यकिन नभएको विभागको वेबसाइटमा उल्लेख छ।यो चरणका लागि तिब्बततर्फ जाने गरेको र त्यहाँबाट फर्कन्छ वा फर्कँदैन भन्ने यकिन नभएको उनको भनाई छ।“नेपालबाट चीनतर्फ गएका जङ्गली याकहरूमध्ये निकै कम मात्र फर्कने गरेको पाइएको छ। यो विश्व परिवेशमै लोपोन्मुख जनावर हो,” उनले भने।

मुसे मृग
नेपालमा पहिले पाइने तर हाल अति लोपोन्मुख जनावर हो मुसे मृग। अनुसन्धानकर्ताहरूका अनुसार अहिले यो नेपालमा पाइन्छ या पाइँदैन भन्ने यकिन छैन। अनुहारको भाग मृगको जस्तो देखिने भएकाले इन्डियन सेभ्रोटिन नामक यस प्रजातिलाई मुसे मृग नाम दिइएको जानकारहरू बताउँछन्।

जङ्गल वरपरका स्थानीय बासिन्दाहरूको भनाई र केही अध्ययनको आधारमा यसको उपस्थिति ठम्याइएको बताइन्छ।“यस वन्यजन्तुबारे थुप्रै आकलन गरिएका छन्। पछिल्लो समय यो लोप नै भएको हुनसक्ने ठानिएको छ,” थापाले भने।

लाटोकोसेरो र चराहरू
ठूला जनावरको सङ्ख्या घट्नु, सिकार र अवैध व्यापारबारे छलफल र चर्चा भए पनि चराहरूको सन्दर्भमा यस्ता बहस पर्याप्त नभएको बताउँछन् डिभिजन वन कार्यालय काठमाण्डूका अधिकृत बद्री कार्की।सहरी क्षेत्रमा चरा पाल्ने सोखले अवैध व्यापार बढाएको उनले दाबी गरे। गत कार्तिक महिनामा मात्रै डिभिजन वन कार्यालयले काठमाण्डूका फरक फरक क्षेत्रबाट ६०० भन्दा बढी चराहरू जफत गरेको उनले बताए।

“मासु, औषधिजन्य प्रयोजन र धार्मिक कार्यको लागि चराको व्यापार हुने गरेको पाइयो। धार्मिक हिसाबमा मन्दिरमा छोड्ने परेवाको व्यापार गरेजस्तो गरेर भित्रभित्रै बेच्न नमिल्ने चराहरू पनि राखिएको पाइयो,” कार्कीले भने।यद्यपि, लाटोकोसेरो र गिद्धको संरक्षणमा राम्रो कामहरू भइरहेको उनको भनाई छ।

तर, प्रकृति संरक्षणका लागि काम गर्ने संस्था फ्रेन्ड्स अफ नेचरका निर्देशक तथा लाटोकोसेरोबारेका अनुसन्धाता राजु आचार्यका अनुसार नेपालमा वार्षिक दुई हजार वटा लाटोकोसेरो मारिन्छन् वा तीनको अवैध व्यापार गरिन्छ।संसारभर पाइने लाटोकोसेरोको प्रजातिमध्ये करिब १० प्रतिशत अर्थात् २३ प्रजातिका लाटोकोसेरो तथा हुचिलहरू नेपालमा अभिलेखीकरण भएका छन्।

“यो लगायत अन्य चराहरू प्राय रोग निको हुने अन्धविश्वासमा खानको लागि, चीनमा औषधीय प्रयोजनका लागि र भारतमा तान्त्रिकहरूको प्रयोगका लागि पुर्‍याइन्छन्। कतिपयले घरहरूमा शुभ हुने विश्वासका कारण समेत अवैध रूपमा राख्ने गरेका छन्,” आचार्यले भने।

डाँफे, मुनाल, बगेडी, कालिज, कस्तुरीलगायत चराहरू पनि उल्लेख्य सङ्ख्यामा सिकार हुने गरेको बताइन्छ।“काग, गिद्धजस्ता खान नमिल्नेबाहेक यहाँ सबै किसिमका चरा मारिन्छन् वा तिनीहरूको अवैध व्यापार हुन्छ।“संसारभर पाइने लाटोकोसेरोको प्रजातिमध्ये करिब १० प्रतिशत अर्थात् २३ प्रजातिका लाटोकोसेरो तथा हुचिलहरू नेपालमा अभिलेखीकरण भएका छन्।

“यो लगायत अन्य चराहरू प्राय रोग निको हुने अन्धविश्वासमा खानको लागि, चीनमा औषधीय प्रयोजनका लागि र भारतमा तान्त्रिकहरूको प्रयोगका लागि पुर्‍याइन्छन्। कतिपयले घरहरूमा शुभ हुने विश्वासका कारण समेत अवैध रूपमा राख्ने गरेका छन्,” आचार्यले भने।

डाँफे, मुनाल, बगेडी, कालिज, कस्तुरीलगायत चराहरू पनि उल्लेख्य सङ्ख्यामा सिकार हुने गरेको बताइन्छ।“काग, गिद्धजस्ता खान नमिल्नेबाहेक यहाँ सबै किसिमका चरा मारिन्छन् वा तिनीहरूको अवैध व्यापार हुन्छ।“समाचार बीबीसी नेपालीबाट साभार गरिएको हो ।

लमजुङ,  १९ फागुन – लमजुङको राइनास नगरपालिकाले प्लाष्टिकजन्य वस्तुको विस्थापन गर्ने भएको छ ।

प्लाष्टिकजन्य वस्तुको विस्थापन गरी वातावरण मैत्री सामान प्रयोगमा ल्याउने तयारी थालेको नगरपालिकाले बुधवार  प्लाष्टिकजन्य वस्तुको विस्थापन दुना, टपरी तथा कपडाको झोला प्रर्वद्वन सम्बन्धी राय, सुझाव संकलन कार्यक्रम आयोजना गरेको छ ।

‘व्यवहारमा परिवर्तन, कार्यसम्पादनमा सुधार’ भन्ने नाराका साथ भएको कार्यक्रममा पालिकाभिका विभिन्न समूह तथा सहकारीले उत्पादन गरेका सामाग्रिहरु प्रर्दशन गरिएको थियो । 

कार्यक्रममा राइनास नगरप्रमुख खड्ग बहादुर गुरुङले प्लाष्टिकजन्य वस्तुको विस्थापन गरी   स्थानीय स्तरमै उत्पादन गरिएको दुना, टपरी प्रयोगले वातवरमा कुनै पनि असर नपर्ने र यसले स्थानीय स्तरमा रोजगारी पनि सृजना हुने वताउनुभयो । नगरप्रमुख गुरुङले दुना, टपरी तथा कपडाको झोला बनाउने सहकारी तथा समुहलाई विशेष धन्यवाद दिदैँ यसमा नगरपालिकाको निरन्तर सहयोग रहिरहने प्रतिवद्वता समेत व्यक्त गर्नुभयो । 

राइनास सम्भावना बोकेको ठाउँ भएकाले नगरको विकासको लागि सबै एकजुट हुनु पर्नेमा जोड दिदै नगरपालिकाले लिएको परिवर्तनको बाटोमा कसैले पनि स्वार्थ राख्न नहुने नगर प्रमुख गुरुङको भनाई थियो । नगरपालिकाले कृषि क्षेत्रमा विभिन्न कार्यक्रमहरु ल्याएको भन्दै कृषि उपज उत्पादनमा व्यवसायिकता सँगै  छिटै आत्मनिर्भर हुनेमा  नगरप्रमुख गुरुङले विश्वास व्यक्त गरे । 

कार्यक्रममा बोल्दै राइनास नगरपालिका उपप्रमुख पुष्पराज खनालले स्थानीयस्तरमै दुना, टपरी तथा कपडाको झोला उत्पादन हुदाँ महिलाहरु आयआर्जनमा जोडिने वताए ।  फुर्सदको समयलाई पनि सदुपयोग गरी आयआर्जनका काम गर्न सकिने भएकोले अतिरिक्त आयआर्जनमा लाग्न सवैलाई आग्रह गरे । 

दुना टपरी तथा कपडाको झोला प्रयोगमा ल्याउदाँ आयआर्जन सँगै वातावरण प्रदुषणमा समेत कमी आउने उपप्रमुख खनालले विश्वास व्यक्त गरे। यसको उत्पादन, प्रयोगसँगै बजारको व्यवस्थापनमा समेत नगरपालिकाले पहल गर्ने उपप्रमुख खनालको भनाई थियो ।  

नगरपालिका प्रमुख प्रशासकिय अधिकृत प्रमुख गोर्कणराज सुयलले राइनास नगरपालिका भित्रको फोहोर व्यवस्थापन गर्न तथा स्थानिय कच्चा पदार्थलाई अर्थमा परिणत गर्न पाएकोमा खुसी व्यक्त गरे । घरमा नै बसेर आँफुले जानेको कामबाट पैसा कमाउन सकिने भएकाले नगरपालिकाले थालेको प्लाष्टिकजन्य सामाग्री विस्थापन कार्य सफल हुने विश्वास व्यक्त गरे ।

काठमाडौं, १९ फागुन ।  बैंकिङ कसुर मुद्दाका फरार प्रतिवादी गोरखा आरुघाट गाउँपालिका-५ का २७ वर्षीय कृष्णबहादुर गुरङलाई शुक्रबार प्रहरीले पक्राउ गरेको छ । 

उच्च अदालत पाटनको २०७९ माघ २४ गतेको फैसलाले बैंकिङ कसूर मुद्दामा ५ दिन कैद र १५ लाख रुपैयाँ जरिवाना ठहर भई फरार भएका उनलाई नेपाल प्रहरी प्रधान कार्यालय केन्द्रीय अनुसन्धान व्यूरो महाराजगंजबाट खटिएको प्रहरीले काठमाडौं सामाखुसीबाट पक्राउ गरेको हो ।

कृष्णले सिटिजन्स बैंक लिमिटेड काठमाडौं सामाखुसीको आफ्नो बैंक खातामा पर्याप्त मौज्दात रकम नभएको भन्ने जानी-जानी पीडितलाई झुक्यानमा पारी दिएको चेकको रकम भुक्तान हुन नसकेको घटनामा अदालतले उक्त फैसला गरेको थियो । 

उनलाई फैसला कार्यान्वयनका लागि जिल्ला अदालत ललितपुरमा पेस गरेकोमा अदालतको आदेशले कैद भुक्तानको लागि कारागार कार्यालय नख्खु ललितपुर पठाइएको प्रहरीले जनाएकाे छ । 

खोटाङ – खोटाङको केपिलासगढी गाउँपालिका–४ बाक्सिला (सिमपानी)मा नेपाल विद्युत प्राधिकरणको निर्माणाधिन सव–स्टेशन अलपत्र परेको छ । भारतीय ठेकेदार कम्पनी एटुजेड इन्फ्रा इन्जियरिङ लिमिटेडले बुईपा–बाक्सिला प्रशारण लाईन, ट्रान्सफर्मर जडान गर्ने र सव–स्टेशन निर्माणको काम तीन वर्षमा सम्पन्न गर्नेगरी २०७३ साल भदौमा सम्झौता गरेको थियो । ठेकेदार कम्पनीले बुईपा–बाक्सिला ३३ केभि र ११ केभि प्रशारण लाईनको काम पुरा गरेपनि ट्रान्सफर्मर थप गर्ने र सव–स्टेशन निर्माणको काम अलपत्र पारेको हो । 

सम्झौताअनुसार २०७६ सालमै बनिसक्नुपर्ने सव–स्टेशनको क्वाटर र कन्ट्रोल बिल्डिङको काम अधुरै छ । निर्माणस्थलमा सव–स्टेशनको विद्युतीय उपकरणहरु असरल्ल छरिएका छन् । खुला चौंरमा थुपारिएका कतिपय उपकरण टुटफुट र काम नलाग्ने अवस्थामा पुगेको अनुमान छ । कतिपय संरचनाको पिलर मात्र ठड्याइएको देखिन्छ । बिराटनगरमा रहेका ट्रान्सफर्मरहरु निर्माणस्थलमा लगिएकै छैन । सव–स्टेशनको बाँकी काम पुरा गर्नका लागि पटक–पटक विद्यूत प्राधिकरण पुग्दा पनि सुनुवाई नभएको केपिलासगढी गाउँपालिका अध्यक्ष समिर राईले बताए । सव–स्टेशन निर्माणमा ढिलासुस्ती हुँदा सेवाग्राही गुणस्तरिय विद्युत सेवाबाट बञ्चित छन् । 

केपिलासगढी र ऐसेलुखर्क गाउँपालिका तथा दिक्तेल रुपाकोट मझुवागढी नगरपालिकाको उत्तरी क्षेत्रका सेवाग्राहीलाई लक्ष्यित गर्दै बाक्सिलामा सव–स्टेशन निर्माणको काम थालिएको थियो । बाँकी काम सम्पन्न हुँदासम्ममा आयोजनाको कुल खर्च करिब ११ करोड पुग्ने प्राधिकरणले जनाएको छ । सरासर काम गरे डेढ÷दुई महिनामै काम सकिने अवस्था छ तर निर्माण कम्पनीले काममा चासो नदेखाएको स्थानीयको गुनासो छ । 

सम्झौता म्यादभित्र सव–स्टेशन लगायतका संरचना निर्माणको काम नसकिएपछि भेरिएसन गर्दै पटक–पटक म्याद थप भएको छ । पटक–पटक पेटी ठेकेदार परिवर्तन हुँदा सव–स्टेशन र ट्रान्सफर्मर जडानको कामले गति लिन नसकेको नेपाल विद्युत प्राधिकरणको वितरण प्रणाली सुदृढिकरण तथा विस्तार आयोजना प्रमुख बोधराज ढकालले बताए । 

राष्ट्रपति चुनावमा मतदानको विषयलाई लिएर राष्ट्रिय स्वतन्त्र पार्टी र राष्ट्रिय प्रजातन्त्र पार्टीभित्र विभिन्न दृष्टिकोणहरू रहेको भएपनि चुनावअघि एउटा निष्कर्षमा पुग्ने नेताहरूले बताएका छन्।

आफ्नो चुनावी वाचापत्रमा यसै वर्ष गठन भएको राष्ट्रिय स्वतन्त्र पार्टी (रास्वपा)ले कुनै राजनीतिक दलमा नलागेका र १० वर्षसम्म राजनीतिक लाभको पदमा नपुगेका नेपाली नागरिकलाई राष्ट्रपति बनाउनुपर्ने धारणा राखेको थियो।

नेपाली कांग्रेसका नेता एवं पूर्व सभामुख रामचन्द्र पौडेलले मनोनयन दर्ता गराएकै दिन र एमालेका उपाध्यक्ष एवं पूर्व सभामुख सुवासचन्द्र नेम्वाङले बुधवार रास्वपासँग मत मागेका थिए।गणतन्त्रको विपक्षमा रहेको राप्रपाका एक जना प्रवक्ताले मतदान बहिस्कार गर्नुपर्ने देखि चुनावमा सहभागी हुनुपर्नेसम्मका विचार आफ्नो दलभित्र रहेको बीबीसीलाई बताएका छन्।

रास्वपाको धारणा के छ
रास्वपाका कतिपय नेताहरू पार्टीको वाचापत्रमा राजनीतिक दलमा नलागेका व्यक्तिलाई राष्ट्रपति बनाइनुपर्ने उल्लेख भएको भन्दै चुनावमा तटस्थ बस्नुपर्ने पक्षमा रहेको बताइन्छ।उक्त दलका उपाध्यक्ष डोल प्रसाद अर्यालले उम्मेदवारहरूले आफ्नो दलसँग मत मागे पनि कसलाई भोट हाल्ने भनेर निर्णय गर्न बाँकी रहेको बताए।

उनी भन्छन्, “पार्टी खोल्दा देखिकै हाम्रो विचार के हो भने १० वर्ष राजनीति नगरेको मान्छे त्यस्तो सम्मानित पदमा जानुपर्छ भनेर भनेका हौँ। पार्टीप्रति झुकाव नहोस् र तटस्थ व्यक्ति होस भनेर हामीले त्यसो भनेका थियौँ। हाम्रो लक्ष्य त्यो भएपनि अहिले त्यो कतिको सम्भव होला? हाम्रो दलको निर्णय के हुन्छ हामी अहिले नै भन्न सक्दैनौँ।”अर्यालले आफ्नो दलले कुनै उम्मेदवारी नदिएको बताउँदै ‘तटस्थ बस्ने वा मत नहाल्ने भनेर निर्णय नगरेको’ टिप्पणी गरे।

“राजनीतिक पृष्ठभूमि भएकै कारण भोट हाल्दैनौँ भनेर हामीभित्र कुरा चलेको छैन। अन्तिम समयमा हामी संयुक्त रूपमा बसेर निर्णय लिन्छौँ।”आफ्ना पार्टी सभापति रवि लामिछानेले नयाँ नागरिकता लिनुपर्ने निर्णय सर्वोच्च अदालतले गरेपछि प्रधानमन्त्री पुष्पकमल दाहाल नेतृत्वको सरकारबाट रास्वपा अलग भएको थियो।

अदालतको निर्णयबाट सांसद र गृहमन्त्रीको पद गुमाएका लामिछाने आगामी वैशाखमा तय भएको उपनिर्वाचनमा पुन: लड्ने सुरसारमा छन्।उपाध्यक्ष अर्यालले गएको पुस १० गते सत्ता समीकरण निर्माण हुँदा भएको सहमति बमोजिम आफूहरूले उपसभामुख पद पाएको र अहिलेसम्म सरकारलाई समर्थन दिइरहेको बताए।तर भावी दिनमा परिस्थिति हेरेर निर्णय लिनसक्ने उनले सङ्केत गरे।

उनी थप्छन्, “चुनाव आउन बाँकी नै छ। नेपालको राजनीतिमा अझै पनि के के हुन्छ थाहा छैन। हामी अहिले कुनै पनि निर्णय लिने तयारीमा छैनौँ। समय आएपछि निर्णय लिन्छौँ।”राष्ट्रपति चुनावमा बनेको नयाँ समीकरणसँगै गएको पुसमा प्रचण्डलाई प्रधानमन्त्रीमा समर्थन गरेको राप्रपाले सरकारलाई दिएको समर्थन फिर्ता लिँदै मन्त्रिपरिषद्‌बाट बाहिरिएको थियो।सरकारलाई दिएको समर्थन फिर्ता लिने या नलिनेबारे रास्वपाले कुनै दृष्टिकोण सार्वजनिक गरेको छैन।

प्रधानमन्त्री प्रचण्डले राष्ट्रपति चुनावपछि कांग्रेससहित आठ दलीय गठबन्धनलाई सामेल गराएर मन्त्रिपरिषद् विस्तार गर्ने र प्रतिनिधिसभाबाट विश्वासको मत लिने तयारी अघि बढाएको विवरणहरू आएका छन्।रास्वपाका १९ जना सांसदहरू छन्। पाँचौँ ठूलो दल राप्रपाका १४ जना सांसद रहेका छन्।

राप्रपाले के गर्छ?
हिन्दु राष्ट्रको स्थापना र संवैधानिक राजतन्त्रको पक्षमा उभिएको राप्रपाका नेताहरूसँग पौडेल र नेम्वाङ दुवैले आफूलाई निर्वाचित हुन सघाउन अनुरोध गरेका छन्।राप्रपाका प्रवक्ता मोहन श्रेष्ठले बीबीसीसँग भने, “दुई दिनअघि रामचन्द्र पौडेल र आज सुवास नेम्वाङसँग भेटघाट भएको छ। उहाँहरूले राष्ट्रपति चुनावमा साथ, सहयोग र समर्थन माग्नुभएको छ। हामीले कुनै निर्णय गरिसकेका छैनौँ। उपयुक्त समयमा निर्णय लिन्छौँ।”

पार्टीभित्र राष्ट्रपति चुनावको मतदानको विषयलाई लिएर विभिन्न किसिमका धारणाहरू रहेको भएपनि एकमतले निर्णय हुने विश्वास उनको छ।उनी भन्छन्, “भोट हालेर जानुपर्ने मतहरू पनि छ। बहिस्कार गर्नुपर्छ भन्ने पनि छ। तटस्थ हुनुपर्छ भन्ने पनि छ। सबै खाले मतहरू छ तर हाम्रो कुनै फरक धारणा हुँदैन। एउटै धारणा हुन्छ।”

राजसंस्थाको पक्षमा आफूलाई उभ्याएको भएपनि राप्रपाले ‘संविधान र संवैधानिक व्यवस्था’ मा भएका प्रावधान अनुरूप आफूहरू अघि बढी रहेको उनले बताए।उनको भनाइ छ, “हामीले निर्वाचनमा भाग लिएका छौँ। सरकारमा गएका छौँ। राष्ट्रपतिसँग शपथग्रहण गरेका छौँ। यसै सेरोफेरोमा रहेर हामी उपयुक्त समयमा निर्णय लिन्छौँ।”

मत माग्न दुवै उम्मेदवार व्यस्त
फाल्गुन २५ गते तय भएको राष्ट्रपति चुनावका लागि आफ्नो पक्षमा वातावरण बनाउन दुवै उम्मेदवारहरूले बिहीवार पनि मत माग्ने क्रम जारी राखेका छन्।प्रधानमन्त्रीसहित आठ दलीय गठबन्धनका शीर्ष नेताहरूले आफ्ना सांसद्हरूको अभिमुखीकरण आयोजना गरेर पौडेलको पक्षमा मतदान गर्न आग्रह गरेका थिए।

नेम्वाङसहितको टोलीले एमालेबाट फुटेर बनेको नेकपा एकीकृत समाजवादीको कार्यालयमा पुगेर अध्यक्ष माधवकुमार नेपाललाई आफ्ना उम्मेदवारलाई समर्थनका लागि अनुरोध गरेका थिए।

उक्त भेटपछि नेकपा एकीकृत समाजवादीका प्रवक्ता जगन्नाथ खतिवडाले भने, “राष्ट्रपति निर्वाचनको सन्दर्भमा हामी रामचन्द्र पौडेलको प्रस्तावक रहेकाले हामीले तत्कालै केही भन्न सक्ने परिस्थिति थिएन। उहाँहरूले पनि त्यो कुरा मनन गर्नुभएको छ।”

उनका अनुसार ‘बल्ल बल्ल दुई पार्टीबीच आधिकारिक औपचारिक भेटवार्ता’ हुनु सकारात्मक हो।अहिले राष्ट्रपति चुनावका लागि कांग्रेससहितको गठबन्धनको पक्षमा देखिएको अङ्कगणित कायम रहेको खण्डमा पौडेल देशको सर्वोच्च पदमा पुग्ने निश्चित छ।

राष्ट्रपति चुनावमा गोप्य मतदान हुने भएकाले गठबन्धन टुटाउन अथवा सङ्घीय संसद् र प्रदेशसभाका सांसदहरूको मत तान्न एमालेले प्रयत्न गर्ने देखिन्छ।एमालेले कांग्रेसबाहेक दलसँग मत माग्ने निर्णय गरेको छ भने राष्ट्रिय सहमति कायम हुने भन्दै आफ्ना उम्मेदवारलाई समर्थन गर्न कांग्रेसले एमालेलाई पत्राचार गरेको छ।समाचार बीबीसी नेपालीबाट साभार गरिएको हो ।

काठमाडौं – नेपालका चिया बगानमा उत्पादन भएको अर्गानिक चिया अन्तर्राष्ट्रिय प्रतिस्पर्धामा अब्बल ठहरिएको छ। चीनको टी मार्केटिङ एसोसिएसनले आयोजना गरेको चियाको गुणस्तर मूल्यांकनसम्बन्धी अन्तर्राष्ट्रिय प्रतियोगितामा नेपालको चियाले ुग्रान्ड गोल्ड मेडलु प्राप्त गरेको छ ।

चीन, भारत, श्रीलंका, केन्यालगायत मुलुकमा उत्पादन भएका चियाका सयौं नमुना प्रतिस्पर्धामा सहभागी थिए । प्रतिस्पर्धाबाट इलामको तीनजुरे किसान सहकारी संस्थाले उत्पादन गरेको चियाले ुग्रान्ड गोल्ड मेडलु प्राप्त गरेको राष्ट्रिय चिया तथा कफी विकास बोर्डले जनाएको छ ।

नेपाली चिया अन्तर्राष्ट्रिय प्रतिस्पर्धामा उत्कृष्ट गुणस्तरको ठहरिएपछि ग्राण्ड गोल्ड मेडल प्राप्त भएको बोर्डका कार्यकारी निर्देशक विष्णुप्रसाद भट्टाईले बताए । यो समाचार नागरिक दैनिकमा छ ।

काठमाडौं । उद्योग विभागले प्रत्यक्ष वैदेशिक लगानी भिœयाउने लगानीकर्ताका लागि अनलाइनबाटै आवेदन दिने ‘सिस्टम’ सुरु गरेपछि सेवाग्राही लाभान्वित हुन थालेका छन्। गत साउन १ गतेदेखि सुरु गरिएको ‘इन्डस्ट्री म्यानेजमेन्ट इन्फरमेसन सिस्टम’ लागू भएपछि तीन दिनभित्रै विदेशी लगानी स्वीकृत हुन थालेको छ।

भिसा सिफारिसको काम पनि एकैदिनमा हुने गरेको वैदेशिक लगानी तथा प्रविधि हस्तान्तरण शाखाले जनाएको छ। अध्यागमन, कम्पनी रजिस्ट्रर्ड कार्यालय, नेपाल चार्टर्ड एकाउन्टेन्ट्स संस्था (आईक्यान), आन्तरिक राजस्व विभाग र भन्सार विभागसँग समझदारीपत्रमा हस्ताक्षर (एमओयू) गरेर तथ्यांक प्रविष्ट (डाटा इन्ट्रिगेसन)को काम सुरु भएको छ। यो सिस्टम लागू भएपछि यसअघि दुई ठाउँमा बायोमेट्रिक दिएर इन्ट्री गर्नुपर्ने झमेलाबाट मुक्ति मिलेको छ। भिसा आवेदन पनि एक पटक दिए पुग्छ।

उद्योग विभागका महानिर्देशक रामचन्द्र तिवारी अनलाइन सिस्टम सुरुवाती चरणमा काम गर्न गाह्रो भए लगानीकर्तालाई छिटोछरितो र तथ्यांकमा शुद्धता भएको बताउँछन्। ‘तुरुन्तै नतिजा नदेखिए पनि सबै रेकर्ड सिस्टममा हुन्छ। अब एक क्लिकमै काम सकिन्छ,’ उनले भने, ‘यसअघि आवश्यक फाइल सबै नभेटिने अवस्था थियो। कसले भिसा लग्यो भनेर फाइल खोज्नुपथ्र्यो। अब हरेक महिना कसले के ग¥यो भनेर अनलाइन सिस्टममै हेर्न सकिन्छ।’ कुनै विदेशी लगानीकर्ता भिसा लिन आयो भने सिस्टममा नम्बर राख्ने बित्तिकै पाइने उनले जानकारी दिए।

एकपटक निवेदन गरिसकेपछि अध्यागमनको प्रणालीमा पनि यतैबाट तथ्यांक पठाउने भएकाले ग्राहकले सीधै भिसा आवेदन दिन सक्छन्। निर्यात इन्टेन्सिभका लागि विभागले सिफारिस गरेपछि फेरि भन्सारमा गएर निवेदन दिनु पर्दैन। यो समाचार अन्नपूर्ण पोस्टमा छ ।

काठमाडौं – नेपाली कांग्रेसका सभापति शेरबहादुर देउवाले श्रीलङ्कामा हुने यु–१९ विश्वकपका लागि छनोट भएकामा नेपाली टिमलाई बधाई दिएका छन् । बिहिबार सामाजिक सञ्जाचलमार्फत देउवाले नेपाली टिमलाई बधाई दिएका हुन् ।

उनले भने, “ श्रीलङ्कामा हुने यु–१९ विश्वकपका लागि छनोट भएकामा नेपाली टिमलाई बधाई तथा शुभकामना ।”

काठमाडौं – नेकपा एमालेका अध्यक्ष केपी शर्मा ओलीले श्रीलङ्कामा हुने यु–१९ विश्वकपका लागि छनोट भएकामा नेपाली टिमलाई बधाई दिएका छन् ।

बिहिबार सामाजिक सञ्जालमार्फत ओलीले नेपाली टिमलाई बधाई दिएका हुन् । उनले युएईमाथि रोमाञ्चक जित निकालेर यु -१९ क्रिकेट विश्वकपमा प्रवेश गर्न सफल भएकोमा बधाई दिएका हुन् ।

उनले भने, “हार्दिक बधाई टिम नेपाल ! युएईमाथि रोमाञ्चक जित निकालेर यु( १९ क्रिकेट विश्वकपमा प्रवेश गर्न सफल भएकोमा नेपाली क्रिकेट टोलीलाई हार्दिक बधाई ।”

काठमाडौं – प्रधानमन्त्री पुष्पकमल दाहाल ‘प्रचण्ड’ले श्रीलङ्कामा हुने यु–१९ विश्वकपका लागि छनोट भएकामा नेपाली टिमलाई बधाई दिएका छन् । बिहिबार सामाजिक सञ्जाचलमार्फत प्रचण्डले नेपाली टिमलाई बाधई दिएका हुन् । उनले देशको गौरव बढाउन एवं नेपालको ख्याति विश्वस्तरमा चिनाउन नेपाली खेलाडीले पुर्याएको योगदानको उच्च प्रशंसासमेत गरेका छन् ।

उनले भने, “श्रीलङ्कामा हुने यु–१९ विश्वकपका लागि छनोट भएकामा नेपाली टिमलाई हार्दिक बधाई ज्ञापन गर्दै देशको गौरव बढाउन एवं नेपालको ख्याति विश्वस्तरमा चिनाउन नेपाली खेलाडीहरूले पु¥याउनुभएको योगदानको उच्च प्रशंसा गर्दछु ।”

महोत्तरी, १८ माघ – महोत्तरीस्थित जलेश्वर मालपोत कार्यालयका नायव सुब्बा रामकृष्ण पण्डितलाई अख्तियार दुरुपयोग अनुसन्धान आयोगको टोलीले घुस रकमसहित पक्राउ गरेको छ । 

बिहीबार जलेश्वरस्थित मालपोत कार्यालयमा एक जना सेवाग्राहीसँग ९ हजार रुपैयाँ घुस लिइरहेको अवस्थामा अख्तियारको टोलीले पण्डितलाई पक्राउ गरेको हो ।

साँधको जग्गा अर्कालाई बेचिदिएकोमा सँधियारले थैली जम्मा गरेर लिन खोज्दा पैसा लिने क्रममा पण्डित पक्राउ परेका हुन् । यस सम्बन्धमा थप अनुसन्धान भइरहेको अख्तियार दुरुपयोग अनुसन्धान कार्यालय बर्दिवासले जनाएको छ ।  

सिन्धुली – सिन्धुलीमा आज दिउँसो जीपको ठक्करबाट एक बालिकाको ज्यान गएको छ ।

जीपले ठक्कर दिँदा तिनपाटन गाउँपालिका–११ की ९ वर्षीया ममता तामाङको ज्यान गएको जिल्ला प्रहरी कार्यालय सिन्धुलीले जनाएको छ । वीपी राजमार्गअन्तर्गत सिन्धुलीको कमलामाई नगरपालिका–७ मा सडक पार गर्ने क्रममा बालिकालाई बा ४ ख ६६७३ नम्बरको जीपले ठक्कर दिएको थियो ।

बालिकालाई ठक्कर दिने जीपका चालकलाई पक्राउ गरेको प्रहरीले जनाएको छ ।