Author: nepal one

लमजुङ – लमजुङबाट निर्वाचित सांसद डा. टकराज गुरुङ गण्डकी प्रदेशसभा सदस्यका पहिलाे र एक मात्रै पिएचडी गर्ने सांसद हुन् ।  प्रदेश सभा सचिवालयबाट सार्वजनिक विवरणअनुसार प्रदेश सभाका ६० सदस्यमध्ये लमजुङ (क) १ बाट निर्वाचित सांसद गुरुङको शैक्षिक योग्यता सबैभन्दा बढी रहेकाे उल्लेख छ ।

डा. गुरुङले पर्यटन अर्थशास्त्रमा पिएचडी गरेका हुन् । संघीयता कार्यान्वयनपश्चात दुई पटक निर्वाचन भएकाे र यसरी निर्वाचित हुनेमध्ये विद्यावारिधी उपाधी अर्थात पिएचडी गर्ने गुरुङ पहिलो हुन् । अघिल्लो कार्यकालमा पनि गण्डकी प्रदेशका सांसदहरूको उच्चतम शैक्षिक योग्यता स्नातकाेत्तर मात्रै थियो ।

राजनीतिमा नीति, नियम, ऐन बनाउनेदेखि प्रदेशको समृद्धिका लागि शैक्षिक योग्यता महत्वपूर्ण हुने सरोकारवालाहरुको बुझाई छ । बदलिदो परिस्थितीलाई समयानुकुल नीति निर्माण, आधुनिक प्रविधिको प्रयोग, विकास र समृद्धिका लागि पनि शैक्षिक योग्यता भएको जनप्रतिनिधि आवश्यक पर्ने सरोकारवालाहरू बताउँछन् ।

काग्रेस लमजुङको सभापति समेत रहेका डा. गुरुङ पर्यटनविद् र कुशल योजनाकार हुन् । पर्यटन क्षेत्रको विकासका सम्भावनाहरू र ग्रामीण पर्यटनको विषयमा डा. गुरुङसँग विशेष विज्ञता छ । ग्रामीण पर्यटनमार्फत अर्थतन्त्रको विकास गर्न सकिने विभिन्न किसिमका योजनाहरू आफूसँग रहेको डा. गुरुङ बताउँछन् ।

आफू गण्डकी प्रदेशसभा सदस्यमा निर्वाचित भएसँगै लमजुङसहित प्रदेशका विभिन्न जिल्लाहरुमा रहेका पर्यटकीय श्रोत र सम्भाव्यताको पहिचान, प्रवर्द्धन र विकास गरी अर्थतन्त्र सुदृढिकरणका लागि ज्ञान क्षमताको सदुपयोग गर्ने डा. गुरुङले बताए । ग्रामीण पर्यटनको प्रचुर सम्भावना रहेको गण्डकी प्रदेशमा विज्ञतालाई प्रयोग गरी पर्यटकीय क्षेत्रको विकासमा फड्को मार्न सकिने डा. गुरुङको विश्वास छ ।

गण्डकी प्रदेश सभामा लमजुङबाट निर्वाचित डा. गुरुङ बाहेक नौ जना सांसद स्नातकोत्तर उत्तिर्ण छन् भने १६ जनाले स्नातक हासिल गरेका छन् । यसैगरी प्रमाणपत्र तह र एसएलसी उत्तीर्णमा १६/१६ जना रहेका छन् । दुई सांसद साक्षर छन् ।

प्रदेशसभा सचिवालयका अनुसार एमालेका ६, कांग्रेसका दुई र माओवादी केन्द्रका एकजनाले स्नातकोत्तर गरेका छन् । स्नातकोत्तर गर्नेमा नवनियुक्त मुख्यमन्त्री खगराज अधिकारी, एमालेकै लिलबहादुर थापामगर, सुधिरकुमार पौडेल, सीताकुमारी सुन्दास, गोविन्दबहादुर नेपाली, देवका पहारी त्रिपाठी रहेका छन् । यसैगरी कांग्रेसका डिल्लीराम सुवेदी, जीतबहादुर शेरचन र माओवादी केन्द्रका फणीन्द्र देवकोटाले पनि स्नातकोत्तर गरेका छन् ।

स्नातक तह उतिर्ण गर्ने सांसदमा कांग्रेसका नौ र एमालेका सात जना छन् । प्लस टु वा प्रमाणपत्र तह उत्तीर्ण गर्नेमा कांग्रेसका नौ, एमालेका पाँच र माओवादी केन्द्रका दुईजना सांसद छन् भने एसएलसी उत्तिर्ण सांसदमा कांग्रेस र माओवादीका पाँच-पाँच जना, एमालेका चार र राप्रपाका दुई जना रहेका छन् ।

प्रदेशसभा सचिवालयले प्रदेशसभा कार्यसञ्चालन अन्तरिम कार्यविधिबमोजिम प्रदेशसभा सदस्यको व्यक्तिगत विवरण फाराम भर्ने क्रममा सांसदहरूले आफ्नो शैक्षिक योग्यता खुलाएको प्रदेशसभा सचिवालयले जनाएको छ ।

प्रदेशसभामा सबैभन्दा बढी कांग्रेसका २७, एमाले २२, माओवादी केन्द्र ८, राप्रपा २ र स्वतन्त्र १ सांसद छन् । ०७४ को निर्वाचनमा भने आठ जना स्नातकोत्तर र २१ जना स्नातक उत्तीर्ण थिए । १७ जना प्लस टु तथा प्रमाणपत्र तह र सातजना प्रदेशसभा सदस्य एसएलसी उत्तीर्ण थिए । एसएलसीभन्दा कम पढेकामा सातजना थिए ।

काठमाडौं, ५ माघ । प्रतिनिधिसभाले बिहीबार नयाँ सभामुख पाउँदैछ । त्यसका लागि बिहान ११ बजे बस्दैछ। संसद् सचिवालयले प्रतिनिधिसभाको बिहीबारको बैठकको कार्यसूची सार्वजनिक गरेको छ ।

बैठकमा ज्येष्ठ सदस्य पशुपतिशमशेर राणाले राष्ट्रपतिको कार्यालयबाट प्राप्त मन्त्रिपरिषद् गठनसम्बन्धी पत्र पढेर सुनाउनेछन्। त्यसपछि सभामुख पदको निर्वाचन प्रक्रिया सुरु हुनेछ। एमाले उपाध्यक्ष सुवासचन्द्र नेम्बाङले देवराज घिमिरेलाई सभामुख पदमा निर्वाचित गरियोस् भन्ने प्रस्ताव प्रस्तुत गर्नेछन्। सो प्रस्तावलाई प्रतिनिधिसभा सदस्यहरू हितराज पाण्डे, राजेन्द्रप्रसाद लिङ्देन र रवि लामिछानेले समर्थन गर्नेछन्।

त्यसपछि सभामुख पदका लागि नेपाली कांग्रेसको तर्फबाट विश्वप्रकाश शर्माले प्रतिनिधिसभा सदस्य ईश्वरी न्यौपानेलाई सभामुख पदमा निर्वाचित गरियोस् भन्ने प्रस्ताव प्रस्तुत गर्नेछन् । शर्माको प्रस्तावलाई प्रतिनिधिसभा सदस्य प्रकाश ज्वालाले समर्थन गर्ने कार्यसूची छ।

सुर्खेत – चुनावको मुखैमा कर्णालीमा हेलिकोप्टर आएका माओवादी अध्यक्ष प्रचण्डले जुम्ला, कालिकोट र हुम्ला गएर संघीय सरकारको मन्त्री बनाउने सपना बाँडे । उनले भनेका थिए, ‘जितेर आउनु, मन्त्री बनाउने मेरो जिम्मेवारी ? ’ चुनाव सकियो, विभिन्न राजनीतिक उथल पुथलका बीचमा गठबन्धन भत्कियो, नयाँ समिकरणसहित प्रचण्ड प्रधानमन्त्रीको कुर्सीमा पुगे । तर प्रचण्डले कर्णालीमा आएर बोलेको कुरा उनको मन्त्री मण्डलमा कर्णाली हरायो । सबैलाई लागेको थियो, जाजरकोटका शक्ति बस्नेत, कालिकोटका महेन्द्रबहादुर शाही, हुम्लाको कार्चेन लामा मध्य एक संघीय सरकारका मन्त्री बन्ने छन् । तर जव २३ सदस्यीय मन्त्री मण्डलमा कर्णालीको नाम निसानै हराउने गरी एक जना राज्यमन्त्रीसम्म नपर्दा धेरैले सामाजिक सञ्जालमा प्रचण्ड सरकारले कर्णालीलाई हेप्यो भन्दै टिप्पणी गर्न भ्याएका छन् ।’

हुन न त कर्णालीमा माओवादीले मुख्यमन्त्री पाएको छ । अन्य प्रदेश भन्दा माओवादीको बलियो उपस्थिती जनमतका हिसावले कर्णाली एक नम्वर रहेको छ । माओवादी उपमहासचिव शक्तिबहादुर बस्नेत गृहमन्त्री वन मन्त्रीदेखि स्वास्थ्यमन्त्रीसम्म भइसकेका थिए । पार्टीभित्र  प्रचण्डको विश्वास पात्रमा पर्छन् बस्नेत ।

बाहिर सार्वजानिक रूपमा नबोले पनि भित्र आशय त्यही रहेको उनी निकट स्रोतले बतायो । उनीलाई बाममन्थी शक्तिलाई एकै ठाउँमा ल्याएर अगाडी बढ्नको लागि वार्ता समितिको सदस्यसमेत बनाएकाले पनि मन्त्री बन्न नचाहेको अवस्था एकातिर छदैछ । माओवादी मात्र होइन, एमाले पनि कर्णालीमा मन्त्री बन्ने उचाइ भएको व्यक्ति भेटाएन । राप्रपको पनि सोही व्यवहारले कर्णालीलाई हेरेको छ ।

कर्णाली प्रदेशका १० जिल्लामा प्रतिनिधिसभाका १२ वटा निर्वाचन क्षेत्र छन् । त्यस्तै, हरेक प्रदेशबाट राष्ट्रियसभामा आठ जनाको प्रतिनिधित्व छ । यहाँबाट हाल संघीय संसद्को राष्ट्रियसभामा आठ र प्रतिनिधिसभामा २१ गरी २९ सांसद छन् । यो प्रदेशबाट अहिले प्रतिनिधिसभामा प्रत्यक्षतर्फ १२ र समानुपातिक निर्वाचन प्रणालीमार्फत चुनिएका नौ सांसद रहेका छन् ।

कर्णालीबाट केन्द्रमा प्रतिनिधित्व गर्ने दर्जनौँ सांसद भएपनि प्रचण्डको ‘क्याबिनेट’ मा एक जनाले पनि प्रवेश पाएका छैनन् । प्रचण्ड सरकारमा मन्त्री र राज्यमन्त्री बनेका २३ मध्ये १५ जनाले पहिलो पटक मन्त्रालयको जिम्मेवारी पाएका छन् । चार जनालाई उपप्रधानमन्त्री, १५ जनालाई मन्त्री र तीन जनालाई राज्यमन्त्रीको जिम्मेवारी दिइएको छ ।

धेरै दलको सहभागिता रहेको ठूलो मन्त्रीमण्डल बनाउँदा पनि सरकारमा कर्णालीको प्रतिनिधित्व नगराइनु दुखद् भएको माओवादी केन्द्र कर्णाली प्रदेश कमिटी इन्चार्ज कालिबहादुर मल्लले बताए । माओवादीले प्रदेशको नेतृत्व पाएकाले पनि प्रचण्डले आफ्नो दलबाट संघीय सरकारमा प्रतिनिधित्व नगराएको हुनसक्ने कतिपय माओवादी नेताहरूको बुझाइ छ । माओवादीबाट प्रत्यक्षमा चार र समानुपातिकमा एक गरी पाँच जना सांसदको प्रतिनिधिसभामा प्रतिनिधित्व छ ।

विकास र नेतृत्वका हिसाबले कर्णाली अन्य प्रदेशको तुलनामा पछाडि छ । पिछडिएको क्षेत्रबाट मन्त्रिपरिषद्मा एक जनाको पनि प्रतिनिधित्व नहुनु दुःखद रहेको विश्लेषण रहेको छ ।

मध्यपश्चिम विश्वविद्यालयका पूर्वडीन एवम् नागरिक समाजका अगुवा पीताम्बर ढकालले सत्ता गठबन्धन दरिलो नहँुदा केन्द्रीय नेतृत्वमा कर्णाली अटाउन नसकेको बताए । विगतका सरकारमा पनि कर्णालीबाट संघीय सरकारमा निकै न्यून सहभागिता रहने गरेको थियो । मन्त्रिमण्डलमा सामेल गराए पनि प्रमुख मन्त्रालय नदिने गरिँदै आएको हो ।

सत्ता गठबन्धनको प्रमुख दल एमालेले समेत मन्त्रीमण्डलमा कर्णालीको प्रतिनिधित्वलाई बेवास्ता गरेको छ । यसपटक प्रतिनिधिसभामा प्रत्यक्षतर्फ कर्णालीमा निल बनेको एमालेका समानुपातिक सांसद भने छन् । ती सांसदहरूलाई पनि उक्त पार्टीले सरकारमा नपठाएको हो ।

काठमाडौं – नेकपा (एकीकृत समाजवादी) का अध्यक्ष माधवकुमार नेपालले नेकपा ९माओवादी केन्द्र०का उपमहासचिव वर्षमान पुनलाई भेट गरेका छन् । स्वास्थ्यमा समस्या देखिएपछि पुनलाई ललितपुरको सुमेरु अस्पतालमा भर्ना गरिएको छ । उनको स्वास्थ्यावस्थाबारे जानकारी लिन नेपाल आज अस्पताल नै पुगेका हुन् ।

यस्तै पुनलाई भेट्न संस्कृति, पर्यटन तथा नागरिक उड्डयनमन्त्री सुदन किराँती पनि पुगेका छन् । माघी पर्वका लागि गृहजिल्ला रोल्पा पग्नुभएका नेता पुनको स्वास्थ्यमा समस्या देखिएपछि उपचारमा गत शनिबारदेखि सुमेरु अस्पतालमा भर्ना भएका थिए ।