काठमाडौ । भारतीय प्रधानमन्त्री नरेन्द्र मोदीको शपथ ग्रहणमा सहभागी हुन प्रधानमन्त्री पुष्पकमल दाहाल नयाँदिल्ली पुगेका छन् । उनलाई इन्दिरा गान्धी अन्तर्राष्ट्रिय विमानस्थलमा भारतको विदेश मन्त्रालयका विशेष सचिव पी कुमारनले स्वागत गरेका हुन् ।
प्रधानमन्त्री प्रचण्डको टोलीमा कानुनमन्त्री पदम गिरी, परराष्ट्र सचिव सेवा लम्साल सहित ७ जना छन् । भारतीय प्रधानमन्त्री मोदीले तेस्रो कार्यकालका लागि आइतबार साँझ शपथ लिँदैछन् । मोदीको सपथ लगत्तै समकक्षी प्रचण्डसंग दुई पक्षीय भेटवार्ता हुने कार्यक्रम छ । यस्तै, प्रधानमन्त्री प्रचण्डले र राष्ट्रपति द्रौपदी मूर्मूसँग शिष्टाचार भेट गर्ने कार्यक्रम तय भएको छ ।
प्रधानमन्त्री दाहालको भ्रमण टोली सोमबार स्वदेश फर्किनेछ ।