काठमाडौं । इङ्लिस प्रिमियर लिगको अंकतालिकाको दोस्रो र तेस्रो स्थानमा रहेका आर्सनल र नोटम फरेस्ट बराबरीमा रोकिएका छन् ।

गएराति भएको खेलमा दुई टोलीले गोलरहीत बराबरी खेलेका हुन् । २७ खेलमा ५४ अंक बटुलेको आर्सनल दोस्रो स्थानमा छ भने समान खेलबाट ४८ अंकका साथ नोटम फरेस्ट तेस्रो स्थानमा छ ।

शीर्ष स्थानको लिभरपुलले भने आर्सनलसँग १३ अंकको अग्रता कायम गरेको छ । उता अंकतालिकाको तेस्रो स्थानमा रहेको म्यानचेस्टर सिटीले १३औँ स्थानको टोटनहामलाई १–० ले पराजित गर्यो । खेलको १२औँ मिनेटमा अर्लिङ हल्यान्डले गरेको गोल निर्णायक बन्दा म्यानचेस्टर सिटी विजयी भएको हो ।

उता ब्रेनफोर्ड र एभर्टनबीचको खेल १–१ गोलको बराबरीमा सकिएको छ । ब्रेनफोर्डका लागि पहिलो हाफको इन्जुरी समयमा योने विजाले गोल गरे भने ७७औँ मिनेटमा एभर्टनका जाके ओब्रेइनले बराबरी गोल फर्काए ।