काठमाडौं । प्रधानमन्त्री केपी शर्मा ओलीले कक्षा १२ को परीक्षा सार्न राष्ट्रिय परीक्षा बोर्डलाई निर्देशन दिएका छन् ।

मंगलबार साँझ बालुवाटारमा आफूलाई भेट्न आएका बोर्डका अध्यक्ष महाश्रम शर्मा र शिक्षा सचिव दीपक काफ्लेलाई प्रधानमन्त्री ओलीले केहीदिन परीक्षा सार्न निर्देशन दिएका हुन् ।

यसअघि बिहान सबेको परीक्षा बोर्डको बैठकले वैशाख ११ गते नै परीक्षा गर्ने निर्णय गरेको थियो । बोर्डले निजामती कर्मचारीको साथ लिएर परीक्षा गर्ने बताएको थियो । तर शिक्षक महासंघले परीक्षाका कुनै प्रक्रियामा सहभागी नहुने निर्णय गरिसकेको छ ।