बरालले धेरै व्यक्तिलाई महंगो ब्याजमा करोडौं लगानी गरेको खुलेपछि प्रहरीले पक्राउ गरेको जनाएको छ । उनलाई अपराधिक लाभ मुद्दामा सोमबार डिल्लीबजारबाट पक्राउ गरिएको प्रहरीको भनाइ छ।

बरालले केही समय अगाडि ठेकदार मनोज भेटवालविरुद्ध उजुरी दिएका थिए । सोही आधारमा भेटवाल पक्राउ परेका थिए।

पछि भेटवालले आफूलाई बरालले नै मिटरब्याजमा पैसा लगाएको बताउँदै मिटरब्याजको उजुरी दिएका थिए । भेटवाल भने छुटिसकेका छन् ।

बरालविरुद्ध प्रहरी र अदालतमा उजुरी र प्रमाण पुगे पनि शक्ति केन्द्रको संरक्षणका कारण उनी अहिलेसम्म उम्कँदै आएका थिए । बरालका गतिविधिमा संलग्न व्यक्तिहरूमा पूर्वप्रशासक, भूपू प्रहरी अधिकारी, राजनीतिज्ञहरू र कानुन व्यवसायीहरू समेत रहेको खुलेको छ।