जुम्ला-सुदूरपश्चिम प्रदेशको बाजुरास्थित बडिमालिको भगवती मन्दिरमा पूजाआजा गर्नेका लागि जुम्लाको सरकारी टोली बाजुरा प्रस्थान गरेको छ । जिल्ला प्रशासन कार्यालय जुम्लाका नायब सुब्बा विष्णुबहादुर महतको नेतृत्वमा पुजारी विष्णुप्रसाद उपाध्यायसहित भक्तजनको टोली बडिमालिका प्रस्थान गरेको प्रमुख जिल्ला अधिकारी केदारनाथ शर्माले जानकारी दिनुभयो ।

बडीमालिका जाने टोली सुरक्षार्थ सिमावर्ती जिल्ला प्रशासन र प्रहरी कार्यालयसँग समन्वय गरिएको छ । बडिमालिकाको टोली पुगेपछि जुम्लामा जात्रा लाग्ने चलन छ । बडिमालिकाबाट टोली यही साउन ३२ अर्थात् १७ दिनपछि जिल्लामा फर्किने प्रशासन कार्यालय जुम्लाले जनाएको छ ।

रेक वर्ष साउन शुक्लपूर्णिमा नाग पञ्चमीका दिन तत्कालीन जुम्ला राज्य र डोटी राज्यद्वारा संयुक्त रूपमा बडिमालिकाको पूजा गर्ने प्रचलनअनुसार मङ्गलबार जुम्लाको सरकारी टोली बडिमालिका प्रस्थान गरेको प्रमुख जिल्ला अधिकारी शर्माको भनाइ छ ।

नेपाली सेनाको एक टुकुटीले बटुक भैरवनाथ, बाबा चन्दननाथ र दरबार मालिकाको सलामी अर्पण, पाँच वटा सलामी, ब्यान्डबाजा र बिगुल फुकेर पूजाको डोलीसहित बडिमालिका हिँडेको टोलीलाई स्थानीय र सुरक्षाकर्मीलगायतले बिदाइ गरेका छन् । यहाँका जानकार रमानन्द आर्चायका अनुसार परम्परादेखि हरेक नाग पञ्चमीका दिन जुम्लाको सरकारी टोली पूजाका लागि बडिमालिका जाने चलन छ ।

डोटी बाजुराको टोली बडिमालिका आउने जुम्लाको टोली बडिमालिका पुगेर संयुक्त पूजा गर्ने प्रचलन छ । नेपाली सेनाको सलामीसहित टोलीलाई जुम्लाका सयौ भक्तजन, सरकारी तथा गैससका प्रतिनिधिहरूले फूलमाला अबिरसहित बिदाइ गरेका थियो । जिल्ला प्रशासन कार्यालयको तर्फबाट सुनको टीका, बिनायो, चाँदीको काँगियो, छत्र, मुरुली गरी पाँच वटा पूजाका सामानहरू पेटारो नामक झोलीमा राखेर बडिमालिका मन्दिरमा पूजाका लागि पठाइएको संस्कृत जानकार आर्चायले बताउनुभयो ।

बडीमालिका जाने टोली सुरक्षार्थ सिमावर्ती जिल्ला प्रशासन र प्रहरी कार्यालयसँग समन्वय गरिएको छ । बडिमालिकाको टोली पुगेपछि जुम्लामा जात्रा लाग्ने चलन छ । बडिमालिकाबाट टोली यही साउन ३२ अर्थात् १७ दिनपछि जिल्लामा फर्किने प्रशासन कार्यालय जुम्लाले जनाएको छ ।

बडिमालिकामा वर्षमा एकपटक हुने पूजाले बाजुरा र जुम्लाको धार्मिक सहिसुष्णताको विकाससँगै धार्मिक पर्यटनलाई उजागर गरेको जिल्ला समन्वय समितिका प्रमुख गोरीनन्द आर्चायले जानकारी दिनुभयो ।