काठमाडौं । नेपाल स्टक एक्सचेन्ज(नेप्से) परिसूचक आज पनि दोहोरो अङ्कले घटेको छ । अघिल्लो दिन बुधबार मात्रै उच्च अंकले घटेको नेप्से परिसूचक साताको अन्तिम कारोबारका दिन ३१ दशमलव ५० अङ्कले घटेर २९२२ दशमलव ६३ को बिन्दुमा बन्द भएको हो । यस दिन बजारमा १५ अर्ब ९८ करोड ८९ लाख ११ हजार रुपैयाँको सेयर कारोबार भएको छ ।

अघिल्लो कारोबारका दिन बुधवार परिसूचक ४७ दशमलव ९३ अङ्कले घटेर २९५४ दशमलव १४ को बिन्दुमा बन्द भएको थियो ।

आजको कारोबारमा ट्रेड टावर, नेपाल फाइनान्स र कर्पोरेट डेभलपमेन्ट बैंकका लगानीकर्ताहरू नाफामा रहेका छन् भने, भूगोल इन्र्जी माई खोला हाइड्रोपावर र अपर सोलु हाइड्रो इलेक्ट्रिक कम्पनीका लगानीकर्ताहरू घाटामा परेका छन् ।

बिहिबार बजार पुँजीकरण ४८ खर्ब ७६ अर्ब रुपैयाँ बढी पुगेको छ ।