नेपालमा महिला टी-२० विश्वकपको ग्लोबल छनोट आयोजना हुने
Nepal One HD १५ साउन २०८२ १५:१३
खेलकुद
काठमाडौं । आईसीसी महिला टी–२० विश्वकप–२०२६ को छनोट प्रतियोगिता नेपालले आयोजना गर्ने भएको छ । विश्व क्रिकेटको सर्वोच्च निकाय आईसीसीले बिहीबार आगामी वर्षको जनवरी १२ देखि फेब्रुअरी २ सम्म छनोट प्रतियोगिता नेपालमा हुने जनाएको हो ।
महिला क्रिकेटमा यो नेपालमा आयोजना हुने सबैभन्दा ठूलो प्रतियोगिता हो ।
२०२६ मा इंग्ल्यान्ड र वेल्समा आयोजना हुने विश्वकप छनोट खेलका लागि १० टोली सहभागी हुनेछन्। उत्कृष्ट ४ टोली विश्वकपमा छनोट हुनेछन्।
बंगलादेश र आयरल्याण्डले सन् २०२४ को महिला टी-२० विश्वकपमा सहभागिता जनाएका कारण ग्लोबल क्वालिफायरका लागि स्वतः छनोट भएका छन्।
एशिया क्षेत्रबाट थाइल्याण्ड र नेपाल छनोट भएका छन् । नेपालले पहिलोपटक एसिया छनोट पार गरेर ग्लोबल छनोटमा स्थान बनाएको हो । उता अमेरिका क्षेत्रबाट अमेरिकाले स्थान पक्का गरिसकेको छ।
प्रतिक्रिया
फेसबुक प्रतिक्रिया
ताजा अपडेट
