काठमाडौं । गायिका भावना आचार्यको नयाँ गीत न त बने हिरोइनको भिडियो सार्वजनिक भएको छ । नबिन पाण्डेको शब्दमा गायिका स्वयमकै संगीत रहेको गीतको एरेन्ज श्याम श्वेत रसाईलीले गरेका हुन् ।

भिडियोमा मोडल मिस पवी , राजन अधिकारी र भावना रोमान्टिक मुडमा देखिएका छन् । छमछम नचाउने खालको भिडियोको कन्सेप्ट गायिका भावनाकै हो भने भिडियोको निर्देशन नितिन चन्दले गरेका हुन् । गायिका आचार्यले सोच सोच बोलको तीज गीतको भिडियो सार्वजनिक गरेको डेढ साता नबित्दै सार्वजनिक गरेको सातमा नै न त बने हिरोइनले राम्रो चर्चा पाइरहेको छ ।

यसअघि भावनाले नायिका शिल्पा पोखरेल र नबिन किशोरको जोडीलाई लिएर सोच सोचको भिडियो निर्माण गरेकी थिइन् । जुन भिडियोबाट लामो समयपछि नायिका शिल्पा फेरी काममा फर्किएकी हुन् । भावनाका बग्ने खोला, मुलको पानी, चट्ट रातो सारीमा, टिकटक चलाउने, उडी उडी आ सुवा , मलाई दिउँ दिउँ झै लाउने, लगायतका गीतहरु बजारमा आइसकेका छन् ।