सुनसरी । सुनसरीको इटहरीमा एक युवतीको हत्या भएको छ । इटहरी उपमहानगरपालिका–१२ मा डेराभाडामा बस्ने खोटाङ ऐसलुखर्क गाउँपालिका–१ की २५ वर्षीया अनिसा भट्टराईको हत्या भएको हो ।

अनिसाको हत्या उनकै श्रीमान सुमन दाहालले गरेको खुल्न आएको प्रहरीले जनाएको छ । सुमनलाई प्रहरीले नियन्त्रणमा लिएर थप अनुसन्धान गरिरहेको इलाका प्रहरी कार्यालय इटहरीका डीएसपी सुवास हमालले जानकारी दिए ।

घरायसी विवादका क्रममा सुमनले अनिसालाई काठको बटमले टाउको, नाक र कानमा प्रहार गरेका थिए । घटनापछि गम्भीर घाइते भएकी अनिसालाई प्रहरीको सहयोगमा उपचारका लागि विराटनगरस्थित विराट शिक्षण अस्पताल पुर्‍याइएको थियो । अनिसाको उपचारका क्रममा गए राति सवा ९ बजेतिर मृत्यु भएको डीएसपी हमालले बताए ।