काठमाडौं । नारायणगढ–मुग्लिङ सडकअन्तर्गत तुइनखोलामा दुईतर्फी सडक आवागमन बन्द भएको छ । पहिरो खसेपछि अपराह्न ४ बजेदेखि बाटो बन्द भएको हो ।

सडक डिभिजन कार्यालय भरतपुरका अनुसार ढुंगा झरिरहेको छ । अहिले पहिरो पन्छाउने काम पनि भइरहेको छ । कार्यालयले अत्यावश्यक बाहेक सडक यात्रा नगर्न सुझाएको छ । डोजरले एकतर्फी सडक सञ्चालनको लागि पहिरो हटाइरहेको छ ।

अविरल परेको वर्षाका कारण देशभरको जनजीवन प्रभावित बनेको छ । विभिन्न राजमार्गहरू अवरुद्ध बनेका छन् । सरकारले भोलि र पर्सी सार्वजनिक बिदा समेत दिइसकेको छ । मनसुन अझै दुई दिन सक्रिय हुने बताइएको छ ।