युक्रेनले भ्रष्टाचारविरुद्ध लड्न अझ धेरै काम गर्ने अपेक्षा जर्मनीले गरेको जर्मन चान्सलर फ्रेडरिक मर्जले बताउनुभएको छ।

जेलेन्स्कीसँग गरेको टेलिफोन संवादमा मर्जले भन्नुभयो, “युक्रेनी सरकारले ‘भ्रष्टाचारविरोधी उपायहरू र विशेष गरी कानूनको शासनको क्षेत्रमा थप सुधारहरू’ उत्साहपूर्वक अगाडि बढाउनु पर्छ।

बुधबार जेलेन्स्कीले ऊर्जा क्षेत्रमा भएको व्यापक आर्थिक अपचलनलाई लिएर आफ्ना ऊर्जा र न्याय मन्त्रीहरूलाई बर्खास्त गर्नुभएको छ । युक्रेनको उर्जा क्षेत्र लगभग चार वर्षदेखि रूसी आक्रमणबाट प्रभावित छ।

संवादमा जेलेन्स्कीले मर्जलाई अर्जा षेत्रमा भएको आर्थिक घोटालाबारे अनुसन्धानको बारेमा जानकारी गराउनुभएको थियो । उहाँले भन्नुभयो, “‘पूर्ण पारदर्शिता, स्वतन्त्र भ्रष्टाचार विरोधी अधिकारीहरूलाई दीर्घकालीन सहयोग, साथै युक्रेनी जनसङ्ख्या, युरोपेली साझेदार र अन्तर्राष्ट्रिय दाताहरूको विश्वास पुनस्र्थापना गर्न थप द्रुत उपायहरू अवलम्बन गरिनेछ।”

सन् २०२२ को फेब्रुअरीमा रुसले पूर्ण आक्रमण सुरु गरेयता जर्मनी युक्रेनलाई सहायताको दोस्रो सबैभन्दा महत्त्वपूर्ण आपूर्तिकर्ता भएको छ।

बुधबार मर्जका प्रवक्ता स्टेफन कोर्नेलियसले पत्रकारहरूलाई भन्नुभयो, “जर्मनी हालको घोटालाबाट ‘चिन्तित’ छ । विशेष गरी यो जर्मनीबाट विशेष सहयाग प्राप्त ऊर्जा क्षेत्रको पूर्वाधारसँग सम्बन्धित छ।”
यद्यपि, मर्जका प्रवक्ता स्टेफेन कोर्नेलियसले भन्नुभयो, “यसले जर्मनीबाट हुने भुक्तानीलाई असर गर्दैन।”

कोर्नेलियसले भन्नुभयो, “यतिवेला हामीलाई युक्रेनी सरकारमा विश्वास छ । घोटालाको बारेमा स्पष्टता प्रदान गर्न, यस मुद्दामा जर्मनी र युक्रेनबीच ‘घनिष्ठ संवाद’ भएको छ ।”