काठमाडौं । नेकपा (एमाले) का अध्यक्ष केपी शर्मा ओलीका ‘विश्वास पात्र’ विष्णु रिमाल उपमहासचिव पदमा पराजित भएका छन् । एमाले केन्द्रीय निर्वाचन आयोगका अनुसार, उपमहासचिवमा लेखराज भट्ट, रघुवीर महासेठ र योगेश भट्टराई निर्वाचित भएका छन् । लेखराजले १ हजार ४५२, रघुवीरले १ हजार ३६८ र योगेशले १ हजार ३४८ मत पाएका छन् ।

एमालेमा तीन जना उपमहासचिव रहने व्यवस्था छ । उपमहासचिवमा ७ जनको उम्मेदवारी परेको थियो । ओली निकट नेता विष्णु रिमाल चौथो नम्बरमा रहे । उनले एक हजार ९१ मत पाएका छन् । त्यस्तै, पाँचौँ नम्बरमा रहेका आनन्दप्रसाद पोखरेलले ६३५ र छैटौँ रहेका वैजनाथ चौधरीले ५१७ मत पाए। त्यस्तै, अन्तिममा रहेका राजेन्द्रप्रसाद गौतमले २७० मत पाएका छन् ।

हेर्नुस् उपमहासचिवको मत

लेखराज भट्ट – १४५२

रघुवीर महासेठ – १३६८

योगेस भट्टराई – १३४८

विष्णुप्रसाद रिमाल – १०९१

आनन्दप्रसाद पोख्रेल – ६३५

वैजनाथ चौधरी – ५१७

राजेन्द्रप्रसाद गौतम – २७०