काठमाडौँ । स्वतन्त्र विधार्थी युनियन रत्न राज्यलक्ष्मी क्याम्पस (आर.आर) ले यही माघ ३ देखि ९ सम्म रचनात्मक सप्ताह गर्ने भएको छ ।

विधार्थीहरुको रचनात्मक क्षमतालाई अभिवृद्धि गर्ने उदेश्यसहित कार्यक्रम गर्न लागेको स्ववियु आर.आर क्याम्पस का सभापति लोकेश कुमार खड्काले बताए। ‘स्ववियु आर.आर क्याम्पस निरन्तर विधार्थीको पक्षमा र हकहितका लागि काम गर्दै आईरहेको छ ।  हामीले यसअघि पनि राष्ट्रिय स्तरको भलिबल प्रतियोगिता सम्पन्न गर्यौँ।  विभिन्न विषयहरुलाई आर.आर क्याम्पसमा ल्याउने कुरामा होस्, या अरु जुनसुकै काम ।  हामी विधार्थीका काममा निरन्तर क्रियाशिल छौँ’, उनले भने,’यो कार्यक्रम पनि विधार्थीभित्र भएका क्षमतालाई प्रष्फुटन गराउन र क्षमता अभिवृद्धि होस् भनेर गरिएको हो।’

रचनात्मक सप्ताहमा क्रिकेट, ब्याटमिन्टन, फूटसल, टेबलटेनिस, वकृत्वकला, हाजिरीजवाफ, भलिबल, बास्केटबल, निबन्धलेखन, गायन, चेस, क्यारमबोर्ड लगायतका विभिन्न प्रतियोगिताहरु हुने स्ववियु आर.आर क्याम्पसले जनाएको छ।