आईसीसी टी–२० विश्वकप क्रिकेट खेल्न जाने नेपाली टोलीको बिदाइ
Nepal One HD ३ माघ २०८२ ११:३६
काठमाडौं । आईसीसी टी–२० विश्वकप क्रिकेट खेल्न जाने नेपाली टोलीको बिदाइ गरिएको छ ।
आगामी फेब्रुअरी–मार्चमा भारत र श्रीलंकामा हुने विश्वकप क्रिकेट खेल्न जाने नेपाली टोलीको नेपाल क्रिकेट संघ (क्यान)ले शनिबार बिदाइ गरेको हो ।
नेपाली टोलीको बिदाइ गर्दै क्यानका सचिव पारस खड्काले विश्वकपका लागि शुभकामना दिए । उनले भने, ‘यो समग्र विश्वले पनि हेर्ने कुरा हो, हामी राम्रो गरिरहेका छौं । विश्वकपका लागि खेलाडीदेखि व्यवस्थापन टिम सबैलाई शुभकामना छ ।’
नेपाली टोलीले विश्वकपअघि श्रीलंका र भारतमा गएर अभ्यास शृंखला पनि खेल्ने भएको छ । नेपाली टोली आइतबार मात्रै प्रस्थान गर्ने छ ।
कप्तान रोहित पौडेलले तयारी राम्रो भएको बताए । ‘हाम्रो तयारी राम्रो छ । अभ्यासले पनि राम्रो बिल्डअप भएजस्तो लाग्छ, सन् २०२५ एकदम राम्रो भएको थियो । आशा छ यो वर्ष पनि राम्रो हुने छ ।’
प्रशिक्षक स्टुअर्ट लले पनि विश्वकपमा राम्रो गर्ने दाबी गरे । क्यानका अध्यक्ष चतुरबहादुर चन्दले पनि टोलीलाई शुभकामना दिँदै तयारी राम्रो देखिएको र राम्रो प्रदर्शन गर्ने विश्वास व्यक्त गरेका छन् ।
नेपालले विश्वकपको समूह चरणमा इंग्ल्यान्ड, वेस्ट इन्डिज, बंगलादेश र इटलीसँग खेल्ने तालिका छ ।
