दोलखा । नेकपा (एमाले) का नेता तथा फागुन २१ गते हुने प्रतिनिधिसभा निर्वाचनका लागि दोलखाका उम्मेदवार पार्वत गुरुङले संकटका बेला पनि नेकपा (एमाले) सतिसालझैं अडिग भएर उभिने पार्टी भएको बताएका छन् । चुनावी सन्दर्भमा आफ्नो धारणा सार्वजनिक गर्दै गुरुङले संविधान, देश र जनताप्रति हुने आक्रमणको सामना गर्ने सामथ्र्य एमालेसँग मात्रै रहेको दाबी गरे ।

उनका अनुसार विभिन्न चुनौती र दबाबका बीच पनि एमालेले राष्ट्रिय हित, लोकतान्त्रिक मूल्य र जनताको अधिकारको रक्षा गर्दै निरन्तर संघर्ष गर्दै आएको छ । गुरुङले आगामी निर्वाचनलाई संविधान, राष्ट्रियता र जनहितको पक्षमा निर्णय गर्ने अवसरका रूपमा उल्लेख गर्दै दोलखाली जनतालाई विकास, स्थायित्व र सुशासनको मार्गमा अघि बढ्न एमालेको साथ दिन आग्रह गरेका छन् ।