कोलकत्ताको ईडन गार्डेन रंगशालामा भएको खेलमा स्कटल्याण्डले इटालीलाई पराजित गरेको हो। 

निर्धारित २० ओभरमा २ सय ८ रनको लक्ष्य पाएको इटालीले १६.४ ओभरमा सबै विकेट गुमाउदै १ सय ३४ रन मात्रै बनाउन सक्यो। उसका लागि बेन मानेन्टीले ३१ बलमा ५ चौका र १ छक्का प्रहार गर्दै सर्वाधिक ५२ रन बनाए। त्यस्तै, ह्यारी मानेन्टीले ३७, जेजे स्मुट्सले २२ रन बनाए। 

यता इटालीलाई १ सय ३४ रनमा समेट्ने क्रममा स्कटल्याण्डका लागि माइकल लिस्कले किफायती बलिङ गर्दै ४ ओभरमा मात्रै १७ रन खर्चेर ४ विकेट लिए। मार्क वाटले २ विकेट लिँदा ब्राड कुर्री, ब्राड ह्वेल, ओलीभर डेविडसनले समान १/१ विकेट लिए। 

यसअघि, टस जितेर पहिले ब्याटिङ गरेको स्कटल्याण्डले निर्धारित २० ओभरमा ४ विकेटको क्षतिमा २ सय ७ रनको विशाल योगफल तयार पार्‍‍यो। उसका लागि ओपनर जर्ज मुन्सीले ५४ बलमा १३ चौका र २ छक्काको मद्दतबाट ८४ रन बनाए। त्यस्तै अर्का ओपनर माइकल जोन्सले ३७ रन बनाउदा ब्रेन्डन म्याकमुलनले आक्रामक ब्याटिङ गर्दै १८ बलमा ४१ रन जोडे। 

इटालीको लागि अली हसन, ग्रान्ट स्टेवार्ट, थोमस ड्राका र जेजे स्मुट्सले समान १/१ विकेट लिए।