काठमाडौं । जारी टि-२० विश्वकपअन्तर्गतको १० औ खेलमा नामिवियाले नेदरल्याण्ड सामु १ सय ५७ रनको लक्ष्य प्रस्तुत गरेको छ। दिल्लीस्थित अरुण जैट्ली क्रिकेट मैदानमा टस हारेर ब्याटिङको निम्तो पाएको नामिवियाले निर्धारित २० ओभरमा ८ विकेट गुमाएर १ सय ५६ रन बनायो। 

उसका लागि जान निकोल लफ्टी इटनले सर्वाधिक ४२ रनको पारी खेले।  उनले ३८ बलमा १ चौका र २ छक्काको मद्दतमा ४२ रन जोडेका हुन्। त्यस्तै, नामिवियाका लागि ओपनर जान फ्रीलिङ्कले ३०, जेजे स्मिटले २२ र कप्तान गेरहार्ड इरास्मसले १८ रन बनाए। 

यता नामिवियालाई १ सय ५६ रनको मध्यमस्तरको योगफलमा रोक्न नेदरल्याण्डका लागि लगन वान बीक र बास डि लिडे ले समान २/२ विकेट लिदा आर्यन दत्त र फ्रेड क्लासेनले समान १/१ विकेट लिए।