काठमाडौं। टी-२० विश्वकपमा नेपाल रहेको समूह सीको आजको खेलमा ईंग्ल्याण्डले स्कटल्याण्डविरूद्ध ५ विकेटको जित दर्ता गरेको छ ।

कोलकाताको इडेन गार्डेन रंगशालामा छिमेकी टीम स्कटल्याण्डले दिएको १५३ रनको चुनौति इंग्ल्याण्डले ५ विकेट गुमाएर १८ओभर २ बलमा पुरा गर्‍यो ।

ब्याटिङमा खराब सुरूवात गरेको इंग्ल्याण्डका लागि टम ब्यान्टनको अविजित ६३ रन र ज्याकब बेथेलको ३२ रन महत्वपूर्ण रहयो ।

यसअघि पहिले ब्याटिङ गरेको स्कटल्याण्डले पारी सकिन २ बल बाँकी छँदा सबै विकेट गुमाएर १५२ रन बनाएको थियो ।

प्रतियोगितामा यसअघि नेपाललाई पराजित गरेको इंग्ल्याण्डको यो दोस्रो जित हो भने स्कटल्याण्डले लगातार दोस्रो हार व्यहोरेको हो । यसअघिको खेलमा इटालीलाई हराएको स्कटल्याण्ड पहिलो खेला वेष्ट इन्डिजसँग पराजित भएको थियो । वेस्ट इन्डिजले यसअघिको खेलमा इंग्ल्याण्डलाई पनि पराजित गरेको थियो ।

आजको खेलपछि अंकतालिकामा सुधार गर्दै इंग्ल्याण्ड ४ अंकसहित दोस्रो स्थानमा उक्लिएको छ भने  २अंक भएको स्कटल्याण्ड तेस्रो स्थानमा छ । २ खेल खेलेको वेष्ट इन्डिज ४ अंक सहित नै पहिलो स्थानमा छ भने नेपाल विरुद्ध २ अंक जोडेको इटाली चौथो स्थानमा छ ।

लगातार दुई हार व्यहोरेको नेपाल भने शुन्य अंक सहित तालिकाको अन्तिममा छ ।