काठमाडौं । नेपाली कांग्रेसले आज पार्टीको प्रतिज्ञा पत्र सार्वजनिक गर्दैछ । जनकपुरधाममा हुन लागेको प्रतिज्ञा सभामा १ लाख सहभागी हुने अपेक्षा गरिएको बताइएको छ ।

नेपाली कांग्रेस मधेस प्रदेश समितिको आयोजनामा हुने सभामा सभामा नेपाली कांग्रेसका सभापति गगन कुमार थापा, उपसभापति विश्वप्रकाश शर्मा लगायत केन्द्रीय तहका प्रमुख नेताहरूले सम्बोधन गर्ने कार्यक्रम रहेको छ ।

मधेसको पवित्र भूमिमा, ऐतिहासिक तथा सांस्कृतिक नगरी जनकपुरधाममा आयोजना हुने यो प्रतिज्ञा सभा केवल एक राजनीतिक कार्यक्रम मात्र नभई, मधेसको स्वाभिमान, समावेशी लोकतन्त्र र राष्ट्रिय एकताको सन्देश दिने ऐतिहासिक अवसरको रूपमा कांग्रेसले लिएको छ ।