भक्तपुर । भक्तपुर निर्वाचन क्षेत्र नम्बर २ बाट राष्ट्रिय स्वतन्त्र पार्टी (रास्वपा) का उम्मेदवार राजीव खत्री प्रतिनिधिसभा सदस्यमा निर्वाचित भएका छन्।

शनिबार सम्पन्न मतगणनाको अन्तिम परिणामअनुसार खत्रीले ४२ हजार ३३३ मत प्राप्त गर्दै निकटतम प्रतिस्पर्धी नेकपा (एमाले) का महेश बस्नेतलाई पराजित गरेका हुन्। बस्नेतले १० हजार ७१७ मत प्राप्त गरेका छन्।

त्यस्तै, नेपाली कांग्रेसका उम्मेदवार कबीर रानाले ८ हजार ३०५ मत प्राप्त गरेका छन्। भक्तपुर–१ मा पनि रास्वपाका उम्मेदवार नै विजयी भएका छन्।