इलाम। प्रतिनिधिसभा निर्वाचनअन्तर्गत जारी मतगणनामा इलाम-२ मा नेकपा (एमाले) का उम्मेदवार सुहाङ नेम्वाङ अग्रस्थानमा रहेका छन्।

हालसम्मको मतपरिणामअनुसार नेम्वाङले १३ हजार ८२ मत प्राप्त गरेका छन्। उनलाई श्रम संस्कृतिका उम्मेदवार सुदीप राईले १० हजार ९४० मतसहित पछ्याइरहेका छन्। दुवैबीच हाल २ हजार १४२ मतको अन्तर रहेको छ।

तेस्रो स्थानमा रहेका नेपाली कांग्रेसका उम्मेदवार भेषराज आचार्यले ७ हजार २२५ मत प्राप्त गरेका छन्। राष्ट्रिय स्वतन्त्र पार्टी (रास्वपा) का गोकुल राईले ३ हजार ७४६ मत पाएका छन् भने नेकपाका ओम गुरुङले ८७७ मत प्राप्त गरेका छन्।