दमक। झापा निर्वाचन क्षेत्र नम्बर-५ बाट निर्वाचित राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र (बालेन) शाहले प्रतिनिधिसभा सदस्यको प्रमाणपत्र ग्रहण गरेका छन्।

उनीलाई मुख्य निर्वाचन कार्यालयका अधिकारीहरूले प्रमाणपत्र हस्तान्तरण गरेका हुन्।

बालेन ६८ हजार ३४८ मतसहित विजयी भएका हुन्। उनले नेकपा (एमाले) का अध्यक्ष तथा पूर्वप्रधानमन्त्री केपी शर्मा ओलीलाई पराजित गरेका छन्। ओलीले १८ हजार ७२४ मत प्राप्त गरेका थिए। दुई उम्मेदवारबीच मतान्तर ४९ हजार ६१४ रहेको छ।

झापा-५ को प्रतिनिधिसभा निर्वाचन २०८२ मा सबैभन्दा बढी चर्चा बटुलेको क्षेत्र रह्यो। काठमाडौं महानगरका पूर्वमेयर बालेन शाहले उम्मेदवारी दिएसँगै ओलीसँग हुने प्रतिस्पर्धा विशेष ध्यानाकर्षणको केन्द्र बनेको थियो।