काठमाडाैं। राष्ट्रिय प्रजातन्त्र पार्टी (राप्रपा) ले नयाँ संसदीय दल नेता चयन गरेको छ।

आज पार्टी केन्द्रीय कार्यालयमा बसेको सांसदहरूको बैठकले सर्वसम्मत रूपमा ज्ञानबहादुर शाही (ज्ञानेन्द्र) लाई दलको नेता नियुक्त गर्ने निर्णय गरेको प्रवक्ता मोहनकुमार श्रेष्ठले जानकारी दिए।

शाही स्वयं पार्टीका प्रवक्तासमेत हुन् र उनी जुम्लाबाट प्रतिनिधि सभा सदस्य चुनिएका थिए।
यससँगै संसदीय दलका नेता शाहीले मुख्य सचेतकमा खुस्बु ओलीलाई मनोनयन गरेका छन्। ओली समानुपातिकतर्फबाट संघीय संसद्मा प्रवेश भएकी हुन्।

राप्रपाले हालैको निर्वाचनमा प्रत्यक्ष १ र समानुपातिक ४ गरी कूल ५ सिट हासिल गरेको छ।